Թուրքիայի հետ առևտուր անելը նորմալ է. ՊԵԿ նախագահ

ԵՐԵՎԱՆ, 1 նոյեմբերի./Նովոստի-Արմենիա/. Հայաստանի Պետական եկամուտների կոմիտեի նախագահ Ռուստամ Բադասյանը լրագրողներին հայտարարել է, որ այս պահին թուրքական ապրանքների ներմուծման էմբարգոն երկարացնելու նախագիծ չկա և չի պատրաստվում։

Նա նշել է, որ այդ առումով սպառնալիքներ չի տեսնում և նորմալ է համարում Թուրքիայի հետ առևտուրը։

2020 թվականի աշնանը Արցախում 44-օրյա պատերազմի սկսվելուց հետո, որում Թուրքիան ակտիվորեն օգնում էր Ադրբեջանին, Հայաստանի իշխանությունները էմբարգո սահմանեցին Թուրքիայից ապրանքների ներմուծման վրա։ Էմբարգոն գործում էր 2021 թվականի հունվարի 1-ից մինչև դեկտեմբերի 31-ը, որից հետո իշխանությունները որոշեցին չերկարաձգել այն։-0-