«Ջերմուկ գրուպը» 756 հազ. դոլար կներդնի Հայաստանում արտադրության զարգացման համար

ԵՐԵՎԱՆ, 23 մայիսի./Նովոստի–Արմենիա/. «Ջերմուկ գրուպ» հայկական ընկերությունը 363 մլն դրամ (մոտ 756 հազար դոլար) կներդնի Հայաստանում արտադրության զարգացման համար, հինգշաբթի կառավարության նիստի ժամանակ ասաց Տնտեսական զարգացման և ներդրումների նախարար Տիգրան Խաչատրյանը։

ՀՀ կառավարությունը հինգշաբթի նիստի ժամանակ ընկերությանը տրամադրեց արտոնություններ սարքավորումների, հումքի ներդրման մաքսատուրքի վճարման համար։

«Ընկերությունը ներկրում է սարքավորումներ, որոնք օգտագործվելու են արտադրանքն արտահանելու համար», – նշեց Խաչատրյանը։ 

Նրա խոսքով, ընկերությունը գործում է 1999թ.–ից, և այս պահին ընկերությունում աշխատում է 385 մարդ` 170–200 հազ. դրամ միջին աշխատավարձով։

Ծրագրով նախատեսվում է ստեղծել 13 նոր աշխատատեղ՝ 350,000 դրամ միջին աշխատավարձով։ Մաքսատուրքի ազատման արտոնությունը կազմում է 34 մլն 372 հազար դրամ:

Ներդրումային ծրագրով նախատեսված արտադրանքի ընդհանուր ծավալը կկազմի 756 մլն դրամ, որից 30 մլն դրամի արտադրանքը կիրացվի ՀՀ տարածքում, 696 մլն դրամի արտադրանքը` ԵԱՏՄ այլ անդամ երկրների տարածքում, 30 մլն դրամի արտադրանքը` երրորդ երկրների տարածքում:–0–