554.77
6.75
476.48
+17
Եղանակը Երևանում
Հայ

Երբ երազանքներն իրականանում են. ԵՄ աջակցությամբ կյանքի կոչված «Բոհեմ» արվեստանոց–թեյարանը ստեղծագործ հարթակ է Սևանում

14:04
20 Ապրիլի 2021

ԵՐԵՎԱՆ,20 ապրիլի./Նովոստի–Արմենիա/. Սևանա լիճը ոչ միայն հայաստանցիների, այլև Հայաստանի հյուրերի սիրված հանգստավայրերից է։ Այստեղ վերջին տարիներին ակտիվորեն զարգանում են տուրիզմի տարբեր տեսակներ։ Եվ հենց Սևան քաղաքում վերջերս` իսկ ավելի հստակ 2017թ.–ից, ստեղծագործ երիտասարդները ևս կարող են գտնել հարթակ ինքնաարտահայտման և ինքնաիրացման համար։ Բոհեմ արվեստանոց-թեյարանի շնորհիվ նրանք այժմ կարող են բազմազանություն մտցնել իրենց ժամանցի մեջ և կյանքի կոչել իրենց ստեղծագործ գաղափարները։ 

Երիտասարդ Գոհար Մարտիրոսյանը, ով ծնունդով սևանցի է, Հայաստանի պետական մանկավարժական համալսարանի գեղարվեստական կրթության ֆակուլտետն ավարտելուց հետո իր առջև նպատակ դրեց. իր փոքր հայրենիքում ստեղծել մշակութային միջավայր, «հոգու և մտքի» ներդաշնակության, զվարճանքի և ժամանցի հարթակ։ Եվ Գոհարի երազանքը կյանքի կոչվեց` վերածվելով «Բոհեմ» արվեստանոց–թեյարանի։ Սակայն գաղափարից մինչև իրականություն տանող ուղին տևեց մոտ 10 տարի, և Եվրոպական միության աջակցությունը մեծ դեր խաղաց այս գործընթացում։ 

Երազանքն` ինչպես նախազգացում 

ЕС Богема (1).jpg

«Երբ ավարտեցի համալսարանը, ոչ ոք չէր հավատում, որ երբևէ կվերադառնամ Սևան, քանի որ այն թվում էր շատ փոքր ու գորշ ներաշխարհումս տիրող ակտիվության համեմատ։ Բայց դա արդեն սկզբունքային հարց էր ինձ համար», – պատմում է Գոհարը։ 

Նա ցանկանում էր ստեղծել ինքնատիպ արվեստանոց, ում դռները բաց կլինեին բոլորի համար՝ մշակութային հարթակ։ Եվ 2008թ.–ին վերադառնալով հարազատ քաղաք` նա հիմնեց հասարակական կազմակերպություն։ Չնայած ՀԿ–ն բավականին ակտիվ էր, մշակութային հարթակ հիմնելու գաղափարը դարձավ ապագայի նպատակ։

2016թ.–ին նա մասնակցեց «Համայնքային զարգացում սոցիալական ձեռնարկատիրության միջոցով» ծրագրին, որն իրականացվում է Եվրոպական միության աջակցությամբ, և ստացավ ենթադրամաշնորհ` 7 հազար եվրոյի չափով։ 

Եվ գաղափարը կյանքի կոչվեց... 

ЕС Богема (2).jpg

Գոհարի խոսքով, ցանկություն կար ստեղծել արվեստանոց–թեյարան հենց Սևան քաղաքում, ոչ թե լճի ափին։ 

«Եթե այն լիներ ափին, կլիներ պարզապես հաջող բիզնես, բայց գաղափարի սոցիալական բաղադրիչը, որը մենք այսքան տարի փայփայել էինք, կյանքի չէր կոչվի։ Մենք ուզում էինք, որ արվեստանոցը գտնվի Սևան քաղաքում` որպես ֆինանսապես անկախ և կայուն նախաձեռնություն։ Այս հարցում հասանք հաջողության. մեր արվեստանոց–սրճարանի նկատմամբ հետաքրքրությունն աճում էր, մենք կարողացանք բազմաթիվ երիտասարդների ներգրավել մշակութային կյանքի մեջ», – նշում է նա։ 

«Բոհեմ» արվեստանոց–թեյարանը սոցիալական ձեռնարկություն է, որը տեղակայվել է մինչ այդ չշահագործվող շինությունում, որի ներքին հարդարանքը ոճով շատ մոտ է մշտական այցելուների ճաշակին։

Գոհարի խոսքով, ԵՄ աջակցությունը կարևոր դեր է խաղացել գաղափարի կյանքի կոչման գործում։ Նա նշում է, որ թեյարանի դռները միշտ բաց են ստեղծագործ մարդկանց առաջ` նկարիչներ, երաժիշտներ, և թեյարանի այն այցելուները, որոնք արվեստով չեն զբաղվում, ևս հաճախ ներգրավվում են ստեղծագործ պրոցեսի մեջ։ 

Հարթակն աշխատում է թեյարանի սկզբունքով, որտեղ հոգով, հետաքրքրություններով և նախասիրություններով մոտ մարդիկ կարող են հավաքվել և հաճելի ժամանակ անցկացնել։ «Բոհեմի» հարկի տակ, մտերմիկ միջավայրում, արվեստագետներն ու արվեստասերները կերտում են իրենց աշխատանքները, զրուցում, կազմակերպում երաժշտական երեկոներ։ Ի դեպ, «Բոհեմում» կազմակերպվում են համերգներ, տոնավաճառներ և այլ մշակութային միջոցառումներ։ 

«Միջոցառումների մուտքը դեռ անվճար է, քանի որ մեր փոքրիկ քաղաքում մարդկանց մոտ դեռևս չի ձևավորվել «կենդանի» համերգներ այցելելու մշակույթը։ Նախ ուզում ենք, որպեսզի նրանք սովորեն նմանատիպ միջոցառումների, որպեսզի հասարակության շրջանում ձևավորվի պահանջարկ, իսկ հետո կմտածենք վճարովի մուտքի մասին։ Այսօր մեր նպատակն է իրագործել սոցիալական շփման բաղադրիչը», – նշում է «Բոհեմի» սեփականատերը։    

Վերսկիզբ

ЕС Богема (4).jpg

Գոհարը կարոտով է հիշում 2019թ.–ը, երբ գրեթե հաջողվեց հասնել այն ամենին, ինչ մտածված էր սկզբում։ 

«Պետք չէր կանչել մարդկանց, նրանք իրենք էին գտնում մեզ, այցելուները շատ էին։ Ներդրումների վերադարձը 100% էր, ունեցանք զգալի շահույթ», – պատմում է նա։ 

Գոհարը նաև պատմեց, որ 2017թ.–ից «Բոհեմ» է այցելել Սևան քաղաքի մոտ 6000 բնակիչ, շուրջ 5700 այցելու` Հայաստանի տարբեր վայրերից և մոտ 3500 օտարերկրյա զբոսաշրջիկ։ Ընդ որում այցելուների մոտ 40%–ը բաժին է հասնում 2019թ.–ին։ 

«Կորոնավիրուսի համավարակը բավականին ծանր ազդեց մեզ վրա։ Մի պահ փակվեցինք, հետո կրկին վերաբացվեցինք», – պատմում է Գոհարը։ 

Նա նաև նշում է, որ արվեստանոց–թեյարանում, ԵՄ–ի աջակցությամբ, ստեղծվել է 4 աշխատատեղ, բայց միշտ ևս երկու աշխատակցի կարիք է եղել։ Հիմա կորոնավիրուսի պատճառով մնացել է 3 աշխատակից։ 

Բայց Գոհարը լավատես է և մեծ հույսեր է կապում ամառային սեզոնի հետ։  

Ծրագրեր և հեռանկարներ

ЕС Богема (5).jpg

Գոհարը պատմում է, որ մտածել են ապագայում ներդնել բոնուսային միավորների համակարգ` այսպես կոչված «Կուտակված տաղանդների քարտեր», որոնք արվեստանոց–թեյարանի ակտիվ մասնակիցներն ու այցելուները կկարողանան փոխանակել ինչ–որ ծառայության, հուշանվերի կամ ապրանքի հետ։ Բացի այդ, նա ուզում է մասնակցել կորոնավիրուսի հետևանքների հաղթահարմանն ուղղված աջակցության ծրագրին, որը ֆինանսավորվում է Եվրոպական միության աջակցությամբ, ու թեյարանում տեղադրել արևային պանելներ։ 

Պլանավորվում է նաև ընդլայնվել արվեստանոց–թեյարանը և ստեղծել անկյուն` բաց երկնքի տակ` հատկապես հաշվի առնելով այն հանգամանքը, որ արվեստանոց–թեյարանի տարածքն այդքան էլ մեծ չէ նմանատիպ միջոցառումների համար։ Գաղափարների թվում է նաև մշակութային կրթության բաղադրիչի ներդրումը վարպետության դասերի կազմակերպման միջոցով։ 

«Ուզում ենք կազմակերպել արվեստանոց, որը վճարովի հիմունքներով կտրամադրի ծառայություններ մշակութային կրթության փաթեթի շրջանակում», – պարզաբանում է Գոհարն` ավելացնելով, որ դրա շնորհիվ պրոֆեսիոնալ գեղարվեստական կրթություն ունեցող մարդիկ հնարավորություն կունենան գործնականում իրագործել սեփական գաղափարները։

Գոհարը հավատում է, որ «Բոհեմը» կդառնա Սևան քաղաքի բնակիչների և հյուրերի ամենասիրելի վայրերից մեկը, եթե ոչ ամենասիրելին։  

Եվրոպական միության աջակցությունն` ուղղված հայկական ՓՄՁ–ներին 

«Համայնքային զարգացում սոցիալական ձեռնարկատիրության միջոցով» ծրագիրը Եվրոպական միության աջակցությամբ Հայաստանում իրականացվող ծրագրերից մեկն է, որոնք նպաստում են երկրի հավասարաչափ զարգացմանը։ ԵՄ–ը Հայաստանում աջակցում է ՓՄՁ–ների զարգացմանը տարբեր ոլորտներում` գյուղատնտեսություն, տուրիզմ, տեղեկատվական տեխնոլոգիաներ և այլն։ 

ԵՄ աջակցությամբ իրականացվող խոշոր ծրագրերի շրջանակում ստեղծվել են Դիլիջանի զբոսաշրջային տեղեկատվական կենտրոնը, Աշոցքի դահուկային կենտրոնը, Սյունիքի «Լեգենդների արահետը», որտեղ աջակցություն են ստացել ՓՄՁ բազմաթիվ սուբյեկտներ։ Իրագործման փուլում է 15 մլն եվրո արժողությամբ ծրագիրը, որի արդյունքում կստեղծվի «ԵՄ ԹՈՒՄՈ» ինժեներական և կիրառական գիտությունների համալիրը։ 

2019թ.–ին Եվրոպական միությունը հատկացրել է 18,3 մլն եվրո` 8330 հայկական ՓՄՁ–ներին աջակցելու համար, որոնց մեկ երրորդի սեփականատերերը կանայք են։ ՓՄՁ–ները, որոնք օգտվել են ԵՄ աջակցությունից, ստեղծել են ավելի քան 4588 նոր աշխատատեղ և ստացել են 102,9 մլն եվրոյի լրացուցիչ եկամուտ։ 

2020թ.–ին Եվրոպական միությունն աջակցել է հայկական ՓՄՁ-ներին COVID-19 համավարակի հետևանքները հաղթահարելու գործում։ ԵՄ-ը տրամադրել է 300 հազար եվրո զբոսաշրջության զարգացման նպատակով՝ աջակցելով 30 ձեռնարկության, 400 000 եվրո՝ տեղեկատվական տեխնոլոգիաների զարգացման նպատակով՝ աջակցելով 20 ձեռնարկության, 70 հազար եվրո՝ գյուղատնտեսության զարգացման նպատակով (42 ՓՄՁ, որոնք ստացել են աջակցություն` COVID-19–ի տնտեսական հետևանքները հաղթահարելու համար), միկրոբիզնեսի գծով` 200 հազար եվրո (44 ընկերություն)։ 

Եվրոպական միությունը պատրաստ է շարունակել աջակցել Հայաստանին ձեռներեցության զարգացման գործում, ինչն իր հերթին կնպաստի համաչափ սոցիալական և տնտեսական զարգացմանը։ ՀՀ-ԵՄ Համապարփակ և ընդլայնված գործընկերության համաձայնագիրը, որն ուժի մեջ է մտել այս տարվա մարտից, կընձեռի ավելի լայն հնարավորություններ։–0–

Partners News
Partners News
Partners News
ԱՌԿԱ գործակալություն
Բաժնի այլ նյութեր
13:52
19 Հոկտեմբերի 2021
Ռուսաստանը նախատեսում է Հայաստանում կատարել 1մլրդ դոլարի ներդրում
Ռուսաստանը նախատեսում է առաջիկայում Հայաստանի տնտեսության մեջ ներդնել 1մլրդ դոլար
14:24
14 Հոկտեմբերի 2021
Երևանում կանցկացվի Հայ-ռուսական միջտարածաշրջանային 8-րդ ֆորումը
Նախատեսվում է քննարկել ներդրումների համար գործարար բարենպաստ միջավայրի ստեղծմանը և երկու երկրներում  տնտեսական աճի խթանմանը վերաբերող հարցեր, դրանց լուծումները
11:05
13 Հոկտեմբերի 2021
S&P–ին առաջին անգամ վարկանշել է ՀՀ կառավարությանը` շնորհելով «B+» սուվերեն վարկանիշ՝ «դրական» հեռանկարով
Հայաստանի սուվերեն վարկանիշի «դրական» հեռանկարն արտացոլում է Standard&Poors-ի կարծիքն այն մասին, որ Հայաստանում տնտեսության վիճակի բարելավմանն ուղղված ռիսկերը գերակշռում են և առաջիկա 12 ամիսների ընթացքում կարող են հանգեցնել Հայաստանի սուվերեն վարկանիշի բարձրացման
17:25
08 Հոկտեմբերի 2021
Հայաստանն ու ռուսական «ԱԼՌՈՍԱ»–ն քննարկում են համագործակցության ընդլայնումը ալմաստի արդյունահանման ոլորտում (ՖՈՏՈ)
ՀՀ–ում ստեղծվում է ալմաստի արդյունահանմամբ զբաղվող պետական միասնական ընկերություն. ՖՈՏՈ
21:25
01 Հոկտեմբերի 2021
ԶՊՄԿ–ի նոր բաժնետերերը` «Գեոպրոմայնինգ Արմենիայի» դուստրն ու ՀՀ կառավարությունը կկառուցեն նոր պղնձաձուլարան
ԶՊՄԿ–ի նոր բաժնետերերը` «Գեոպրոմայնինգ Արմենիայի» դուստրն ու ՀՀ կառավարությունը կկառուցեն նոր պղնձաձուլարան
13:13
29 Սեպտեմբերի 2021
Հայաստանում խմելու ջրի սակագինը կբարձրանա. ՀԾԿՀ–ն պարզաբանում է
Հայաստանում խմելու ջրի սակագինը կբարձրանա. ՀԾԿՀ–ն պարզաբանում է
15:29
27 Սեպտեմբերի 2021
Հայաստանում աշխատավարձը բարձրացել է, ավելացել է նաև գործազուրկների թիվը
Ֆինանսների նախարարի խոսքով, միջին աշխատավարձը պետական հատվածում հասել է 168 374 դրամի, իսկ ոչ պետականում` 209 937 դրամի
21:04
20 Սեպտեմբերի 2021
«Տաշիր» ընկերությունների խումբը նախատեսում է 800մլն դոլար ներդնել Հայաստանի և Արցախի զարգացման մեջ.Կարապետյան
«Տաշիր» ընկերությունների խմբի հիմնադիր և նախագահ Սամվել Կարապետյանը հայտնեց, որ ընկերությունների խումբը մտադիր է գրեթե 800 մլն. դոլարի ներդրում կատարել Հայաստանի և Լեռնային Ղարաբաղի զարգացման գործում
12:19
10 Օգոստոսի 2021
Ձվի շուկայում գործող 3 խոշոր ընկերություններ տուգանվել են 42,6մլն դրամով
Զատիկին ձվի շուկայում տիրող սարսափելի իրավիճակը 5 ամիս անց պարզվել է, շուկայում գործող 3 խոշոր ընկերություններ տուգանվել են 42,6մլն դրամով
14:22
07 Օգոստոսի 2021
Նոր հնարավորությունների ստեղծման ճանապարհին․Երևանում կանցկացվի երկրի գլխավոր գործարար ֆորումը՝ Armenian Business Forum-ը
Սեպտեմբերի 20-ին Երևանում տեղի կունենա երկրի գլխավոր գործարար ֆորումը՝ Հայկական բիզնես-ֆորում (ՀԲՖ) 2021-ը, որն առաջին անգամ կհամախմբի հարյուրավոր ձեռնարկատերերի՝ նոր ազդակ հաղորդելու Հայաստանի տնտեսական ներուժի և ներդրումային հնարավորությունների զարգացմանը
10:35
05 Օգոստոսի 2021
Մսամթերքի շուկայում թանկացումների ալիք է․թերթ
Մսամթերքի շուկայում թանկացումների ալիք է, ի՞նչ է սպասվում
19:21
21 Հուլիսի 2021
Արտերկիր խոպանի գնացած բարեկամներին «բերման ենթարկել»՝ մեր երկիրն ամրացնելու ու զարգացնելու․էկոնոմիկայի նախարարի պ/կ-ն հանդես է եկել նոր նախաձեռնությամբ
Արտերկիր խոպանի գնացած բարեկամներին «բերման ենթարկել»՝ մեր երկիրն ամրացնելու ու զարգացնելու․էկոնոմիկայի նախարարի պ/կ-ն հանդես է եկել նոր նախաձեռնությամբ