Ժան Կլոդ Վան Դամը Հայաստանում է (ՎԻԴԵՈ)

ԵՐԵՎԱՆ, 15 սեպտեմբերի. /Նովոստի-Արմենիա/. Հոլիվուդյան հայտնի դերասան, ռեժիսոր, մարտարվեստների վարպետ Ժան Կլոդ Վան Դամը ժամանել է Երևան:

Դերասանի ինքնաթիռը վայրէջք է կատարել «Զվարթնոց» օդանավակայանում շաբաթ գիշերը:
«Շառլ Ազնավուրն իմ լավ բարեկամն է և մանկությունից սիրված երգիչ: Լոս Անջելեսում շատ հայերի եմ ճանաչում»,- օդանավակայանում ասաց Վան Դամը:

Ավելի վաղ «Կինոյի շուրջ» պարբերականը գրել էր, որ Վան Դամը Հայաստան կժամանի որպես Comedy Club-ի հյուր:

Comedy Club-ի փառատոնը կանցկացվի Հայաստանի մայրաքաղաքում սեպտեմբերի 15-ին և 16-ին: -0-