«Ոսկե ծիրան» կինոփառատոնը երեք նոր աստղ կվառի

ԵՐԵՎԱՆ, 29 հունիսի. /Նովոստի-Արմենիա/. «Ոսկե ծիրան» Երևանի 13-րդ միջազգային կինոփառատոնի շրջանակում նոր երեք աստղ կբացվի ի հիշատակ ակնառու հայ կինոգործիչների, չորեքշաբթի լրագրողներին ասաց միջազգային կինոփառատոնի հիմնադիր Հարություն Խաչատրյանը:

«Ոսկե ծիրան» Երևանի 13-րդ միջազգային կինոփառատոնը կանցկացվի Երևանում հունիսի 10-17-ը:

«Եթե փառատոնը դադարի գոյություն ունենալ, կա մտավախություն, որ մարդիկ կմոռանան կինոգործիչների մեր ավագ սերնդին: Այս տարի մենք աստղեր կբացենք ռեժիսորներ Էդմոնդ Քեոսայանի, Դմիտրի Քեսայանի և օպերատոր Ալբերտ Յավուարնեի պատվին: Ընդ որում, Երևանում առաջին անգամ է օպերատորի պատվին աստղ բացվում», - ասաց Խաչատրյանը:

Նրա խոսքով, երեքն էլ արվեստի վաստակավոր գործիչներ են, որոնք չպետք է մոռացվեն:

«Այս փառատոնի շրջանակում մենք կնշենք նաև երկու ռեժիսորի հոբելյան`Ռուբեն Գևորգյանցի 70-ամյակը, ով կպարգևատրվի «Փառաջանովյան թալերով», և Ռոման Բալայանի 75-ամյակը, ով կարժանանա Ամենայն Հայոց Կաթողիկոսի «Եղիցի լույս» մրցանակին», - ասաց Խաչատրյանը:

Նա խոստովանեց, որ Հայաստանում կատարվող իրադարձությունները չէին կարող չազդել «Ոսկե ծիրանի» վրա, քանի որ փառատոնը կենդանի օրգանիզմ է: Մասնավորապես, շատերը վախենում են ժամանել Հայաստան` պատերազմի վտանգի պատճառով:

«Փառատոնի բացման և փակման արարողությունները տեղի կունենան «Մոսկվա» կինոթատրոնում, այլ ոչ թե սովորույթի համաձայն Օպերայի և բալետի ազգային ակադեմիական թատրոնում: Խնայված միջոցներն ուղղվելու են կինոծրագրերի: Դրա շնորհիվ մենք կարողացել ենք լավագույն ֆիլմերը բերել, ամենարաժանի մարդիկ լինելու են ժյուրիի կազմում», - ասաց Խաչատրյանը:

Նա հայտնեց, որ այս տարի ժյուրիի նախագահն է լինելու Տիգրան Մանսուրյանը, չնայած, որ երկար ժամանակ չէր համաձայնվում:

«Մենք պնդում էինք, քանի որ նրա երաժշտությունը, նա անհատականությունը մեծ նշանակություն ունեն Հայաստանի համար», - ասաց Խաչատրյանը:

ԱՄԻ «Նովոստի-Արմենիա» գործակալությունը փառատոնի ինֆորմացիոն հովանավորն է:

«Ոսկե ծիրան» միջազգային կինոփառատոնը Երևանում անցկացվում է 2004թ.-ից, այն տարածաշրջանի ամենաճանաչված փառատոներից մեկն է: Փառատոնը կազմակերպվում է ՀՀ մշակույթի նախարարության և VivaCell-MTS ընկերության աջակցությամբ։ Տարբեր տարիներին Հայաստան են ժամանել հայտնի դերասաններ և ռեժիսորներ, որոնց թվում նաև` գրող և սցենարիստ Տոնինո Գուերան, հայտնի դերասանուհիներ Կլաուդիա Կարդինալեն և Ֆանի Արդանը։

2010 թվակաժնին Երևանի կինոփառատոնն արժանացավ Ficts Plate D'honneur կինոյի, հեռուստատեսության և սպորտի միջազգային միության գլխավոր մրցանակին:–0–