Վերջին հնարավորություն և երկար հերթեր. Երևանում վերաբացվել է «Դալի և Պիկասո» ցուցահանդեսը (ՎԻԴԵՈ)
ԵՐԵՎԱՆ, 23 օգոստոսի./Նովոստի-Արմենիա/. Երևանում վերաբացվել է «Դալի և Պիկասո» ցուցահանդեսը, որը բացվել էր մարտի սկզբին Ազգային պատկերասրահում, սակայն, մի քանի օր բաց մնալուց հետո, կորոնավիրուսի համավարակի հետևանքով հանրապետությունում արտակարգ ռեժիմի սահմանման պատճառով, փակվել էր :
Ինչպես հայտնել էինք, ցուցահանդեսը բաց կմնա ընդամենը 4 օր:
Ցուցահանդեսին, որն օգոստոսի 20-ին կրկին բացել էր իր դռները բացել էր այցելուների առջև, ներկայացված են մեծանուն նկարիչների մոտ 260 աշխատանք, որոնց թվում են գրաֆիկական և կավագործական աշխատանքներ, քանդակներ։ Կան աշխատանքներ, որոնք չեն ներառվել ցուցանմուշներում, քանի որ տեղը չի բավարարել։ Կան մոտ 260 աշխատանքներ, որոնցից շատերը ստեղծվել են Սալվադոր Դալիի կողմից` քանդակներ և գրաֆիկական աշխատանքներ։ Իսկ Պիկասոն ներկայացված է 30 կերամիկական աշխատանքներով և 29 գրաֆիկական դիմանկարներով։
Ինչպես հայտնել է ցուցահանդեսի համակարգող Մարիամ Դավթյանը, ներկայացված է բավականին մասշտաբային ցուցահանդես ութ սրահներում։
«Մենք մեծ ոգևորությամբ ենք պատրաստել այս ցուցահանդեսը, սակայն այն երկարացվել է ընդամենը մի քանի օրով, համավարակի հետևանքով թանգարանը փակվել էր և աշխատանքներն այս մի քանի ամիսների ընթացքում մնացել էին շենքում փակի տակ»,- մեկնաբանել է նա:
Ընդ որու, Դավթյանն ափսոսանքով նշել է, որ ցուցահանդեսը վերականգնել է աշխատանքը բավականին ուշ, քանի որ պայմանագրում քննարկվել են հավաքածուի տիրոջը ցուցանմուշները վերադարձնելու կոնկրետ ժամկետներ:
«Այդ ժամկետը լրանում է 23-ին (օգոստոսի): Եվ այս չորս օրերի ընթացքում այցելուներին հնարավորություն է տրվել ծանոթանալու այսքան սպասված ցուցահանդեսին»,- հայտնել է նա:
Համակարգողը նաև հավելել է, որ «մշակութային քաղցից» հետո, որն առաջացրել է համավարակը, մարդիկ մեծ ոգևորությաբ են գալիս ցուցահանդեսը դիտելու, մեծ հերթեր են առաջացել:
«Մենք շատ կցանկանայինք երկարացնել, բայց չունենք հնարավորություն, քանի որ պայմանագրի ժամկետները լրանում են, այդ պատճառով կիրակին՝ վերջին հնարավորությունն է (ցուցահանդեսն այցելելու համար. խմբգր)»,- եզրափակել է նա:
Թանգարանում ցուցահանդեսի նկատմամբ մեծ հետաքրքրությամբ պայմանավորված այս չորս օրերի ըթնացքում այն աշխատում է 11:00 մինչև 20:30. -0-
