Ուկրաինահայ երգչուհու երգը կստուգեն «Եվրատեսիլի» ներկայացուցիչները

ԵՐԵՎԱՆ, 22 փետրվարի./Նովոստի–Արմենիա/. «1944» երգի տեքստը, որը «Եվրատեսիլ 2016» երաժշտական մրցույթում կներկայացնի հայկական արմատներ ունեցող Ջամալան, սկզբում մանրամասն կստուգեն, «Խոսում է Մոսկվան» ռադիոկայանի եթերում հայտնել է մրցույթի պաշտոնական ներկայացուցիչ Փոլ Ջորդանը։

«Սկզբում մենք պետք է ստուգենք երգի տեքստի պատշաճությունը»,– ասել է Ջորդանը, հաղորդում է tvzvezda.ru–ն։

Նա նշեց, որ ընթացակարգից հետո կոմպոզիցիայի տեքստում հնարավոր են փոփոխություններ, ընդգծելով, որ նմանատիպ օրինակներ արդեն եղել են, մասնավորապես, «1990 թվականի մրցույցի հաղթողի դեպքում, ով երգում էր Եվրոպայի միասնականության մասին»։

«Եվրատեսիլի» պաշտոնական ներկայացուցչի խոսքովլ, այս հարցով վերջնական որոշումը կկայացվի մարտի 14–ին։

Ավելի վաղ հայտնի էր դարձել, որ Ուկրաինան երաժշտական մրցույթին կներկայացնի 32–ամյա Ջամալան։ Նա կկատարի երգ ղրիմյան թաթարների արտաքսման մասին։

Ջամալան ծնվել է հայ–ղրիմյան–թաթարական ընտանիքում։ Նրան ճանաչում է բերել Յուրմալայում 2009 թվականի Նոր ալիքը, որտեղ նա արժանացել է գրան պրիի։ -0-