Շուտով` պրեմիերա. հայկական հայտնի ֆիլմի աստղը «Բրավո, Վիրտուոզ» ֆիլմում

ԵՐԵՎԱՆ, 16 փետրվարի. /Նովոստի-Արմենիա/. «Բրավո, Վիրտուոզ» ֆիլմի պրեմիերան կկայանա մարտի 2–ին Երևանում, ասվում է ֆիլմի Facebook–ի պաշտոնական էջում։

Ֆիլմում նկարահանվել են` «Կյանք ու կռիվ» հայկական հայտնի և արդեն սիրված ֆիլմի գլխավոր հերոս, դերասան Սամվել Թադևոսյանը, Մկրտիչ Արզումանյանը, Արման Նավասարդյանը, Ռոիդոլֆ Ղևոնդյանը, Վրեժ Հակոբյանը, Արամ Կարախանյանը, Մանուկ Աղվերսյանը, Ժերար Բոյաջյանը, Մարիա Ախմետզյանովան։

25–ամյա վիրտուոզ կլարնետահար Ալիկին մեծացրել է իր պապը` հետխորհրդային Հայաստանի հայտնի նվագախմբի դիրիժորը։ Նվագախմբին, որտեղ աշխատում է ֆիլմի հերոսը, վտանգ է սպառնում, քանի որ գլխավոր հովանավորը սպանվել է։ Ալիկի ձեռքի տակ պատահականորեն հայտնվում է վարձու մարդասպանի հեռախոսահամարը։ Տարված լինելով խարդախի դստեր հորդորներով, ում նա անհուսալի սիրահարված է, և ցանկանալով փրկել նվագախումբը ցանկացած գնով, գլխավոր հերոսը փորձում է իրեն ներկայացնել «Վիրտուոզ» մականունով վարձու մարդասպանի փոխարեն և կատարել նրա պատվերները։ Բայց նա ընդամենը վիրտուոզ կլարնետահար է, այլ ոչ մարդասպան...

Ֆիլմը արտադրվել է հայ և ֆրանսիացի մասնագետների ջանքերով։

Ֆիլմի ռեժիսորն է ֆրանսահայ Լևոն Մինասյանն է, բեմադրող օպերատորն է` Ամերիկայի Միացյալ Նահանգներում բնակվող Մկրտիչ Մալխասյանը։

Ժապավենի կոմպոզիտորն է աշխարհի բնակիչ, հանճարեղ գյումրեցի Տիգրան Համասյանը, ասվում է հրապարակման մեջ։

Ֆիլմի վրա աշխատել են նաև Ռոբեր Գեդիկյանը, Մարկ Բորդյուրը և Հրաչ Քեշիշյանը։ -0-