Սերժ Թանկյանը կատարել է «Գահերի խաղը» 8–րդ եթերաշրջանի սաունդթրեքը (ՎԻԴԵՈ)

ԵՐԵՎԱՆ, 21 մայիսի. /Նովոստի–Արմենիա/. Հայտնի ամերիկահայ ռոք երաժիշտ, System Of A Down խմբի մենակատար Սերժ Թանկյանն իր Instagram–ում հրապարակել է «Գահերի խաղը» եզրափակիչ, 8–րդ եթերաշրջանի սաունդթրեքը։

«Այսօր երեկոյան «Գահերի խաղի» էպիկ ավարտից հետո ուրախ եմ հայտարարել, որ սերիալի կոմպոզիտոր և իմ եղբայր Ռամին Ջավադին հրավիրեց ինձ կատարել «Կաստամերայի Ռեյների» սաունդթրեքը»,– իր Instagram–ում գրել է Թանկյանը։


Նա նշել է, որ ուրախ է բոլորին ներկայացնել այդ փայլուն երգը (սաունթրեքը հասանելի բեռնման և բոլոր հարթակներում հեռարձակման համար)։ -0-