ԵՐԵՎԱՆ, 30 հունիսի. /Նովոստի–Արմենիա/. Երևանում անցկացվում են «Ոսկե ծիրան-2016» 13–րդ միջազգային կինոփառատոնի մրցութային ծրագրում ընդգրկված ֆիլմերի փակ ցուցադրությունները։
Կինոփառատոնն այս տարի կանցկացվի հուլիսի 10–ից 17–ը։
Նախօրեին ցուցադրվեց Դավիդ Վերբեքի «Սերտ շփում» ֆիլմը, որն իրենից թրիլերի, դրամայի և դետեկտիվի յուրօրինակ միքս է ներկայացնում։
ԱՄՆ ՌՕՈՒ զինծառայողի խճճված պատմությունը, ով, ոչնչացնելով նախապես նշված թիրախները, գիտակցաբար ոչնչացրել է նշանակետում հայտնված դպրոցականների, դարձել է հոլանդա–խորվաթական ֆիլմի գլխավոր թեման։ Գլխավոր հերոսի կյանքում բարդ է ամեն ինչ` կանանց հետ հարաբերությունները նույնպես չեն ստացվում։
Նրան չի փրկել նաև քաղաքակրթությունից փախչելու փորձը, երբ նա փորձեց ապրել ծովափին որպես թափառաշրջիկ։ Սպանելու պահանջը նրա գիտակցության մի մասն է դարձել, ադրենալին ստանալու անհրաժեշտությունը` նորմ։
Այդ պատճառով էլ, վերադառնալով մարդկանց մոտ, նա սկսեց զբաղվել բռնցքամարտով։ Նրան չեն վախեցնում վնասվածքներն ու ցավը, չէ՞ որ նա ամենուր միայն մի բան է փնտրում` սերտ շփում։
Բրիտանացի դերասանուհի, համաշխարհային կինոաստղ Ժակլին Բիսեթը լինելու է «Ոսկե Ծիրան 2016» 13-րդ միջազգային կինոփառատոնի պատվավոր հյուրը։
ԱՄԻ «Նովոստի-Արմենիա» գործակալությունը փառատոնի ինֆորմացիոն հովանավորն է:
«Ոսկե ծիրան» միջազգային կինոփառատոնը Երևանում անցկացվում է 2004թ.-ից, այն տարածաշրջանի ամենաճանաչված փառատոներից մեկն է: Փառատոնը կազմակերպվում է ՀՀ մշակույթի նախարարության և VivaCell-MTS ընկերության աջակցությամբ։ Տարբեր տարիներին Հայաստան են ժամանել հայտնի դերասաններ և ռեժիսորներ, որոնց թվում նաև` գրող և սցենարիստ Տոնինո Գուերան, հայտնի դերասանուհիներ Կլաուդիա Կարդինալեն և Ֆանի Արդանը։
2010 թվակաժնին Երևանի կինոփառատոնն արժանացավ Ficts Plate D'honneur կինոյի, հեռուստատեսության և սպորտի միջազգային միության գլխավոր մրցանակին:–0–
Ծանոթացեք լուրերին առաջինն ու քննարկեք դրանք մեր Telegram-յան ալիքում