Սաթենիկ Գևորգյանի և Գարիկ Մարտիրոսյանի փայլուն զուգերգը «Ты супер!»-ի եզրափակչում (ՎԻԴԵՈ)

ԵՐԵՎԱՆ, 27 մայիսի. /Նովոստի-Արմենիա/. «Ты супер!» նախագծի հայ մասնակից Սաթենիկ Գևորգյանը մրցույթի եզրափակչում ելույթ է ունեցել մեր հայրենակից, հայտնի շոումեն Գարիկ Մարտիրոսյանի հետ:

Նրանք միասին կատարել են Թաթայի և Անատոլի Դնեպրովի «Армения моя» հայտնի երգը:

Ինչպես հայտնում է НТВ-ն, Իգոր Կրուտոյը, խոսելով կատարման մասին, ասել է, որ յուրաքանչյուր նոտայում զգացվում էր Սաթենիկի և Գարիկի հարգանքն իրենց Հայրենիքի նկատմամբ:


Յուլիանա Կարաուլովան իր հերթին խոստովանել է, որ երգից հետո Հայաստան մեկնելու մեծ ցանկություն առաջացավ, ինչին ի պատասխան Գարիկը նշել է, որ «երբ ցանկություն է առաջանում, պետք է գնալ»:

Իսկ Սերգեյ Լազարևը հայտարարեց, որ երջանիկ է Սաթենիկին տեսնել եզրափակչում: Նա զարմանքով նշեց, որ այսքան փոքրիկ մարմնում այսպիսի հզոր ձայն է թաքնված:

SMS-քվեարկության արդյունքներով «Ты супер!» նախագծի երկրորդ եթերաշրջանի հաղթող է ճանաչվել Դիանա Անկուդինովան` բոլոր ձայների 49 տոկոսով, գրում է НТВ-ն: -0-