ԵՐԵՎԱՆ, 28 փետրվարի. /Նովոստի Արմենիա/. Հայ գեղանկարիչ Մարտիրոս Սարյանի` ապակու վրա գրված «Ծաղիկներ» նկարն առաջին անգամ ցուցադրվել է Հայաստանում:
Կտավը գրվել է «Մարտիրոս Սարյան» վավերագրական ֆիլմի նկարահանման ընթացքում:
Սարյանի այս կտավը երբեք չի ցուցադրվել Հայաստանում: Նկարը ավարտելուց հետո նա նվիրել է այն ֆիլմի օպերատոր Մարատ Վարժապետյանին: Այսօր նկարը պատկանում է ռուս կոլեկցիոներ Յուրի Նոսովին ու երկար տարիներ գտնվել է Մոսկվայում: «Ծաղիկներ» նկարը կցուցադրվի Սարյանի անվան տուն թանգարանում փետրվարի 28-ից մարտի 7-ը:
Ծրագրի շրջանակում կայացել է նաև «Մարտիրաս Սարյան» վավերագրական ֆիլմի ու «Սարյանը ծաղիկներ է նվիրում» գրքի շնորհանդեսը` հիմնված ֆիլմի ռեժիսոր Լայերտ Վաղարշյանի հիշողությունների վրա: Բացի դրանից, ցուցադրվել են լուսանկարներ, որոնք արվել են ֆիլմի նկարանման ընթացքում:
Загружается новость ...
"Право"
«Վավերագրական ֆիլմը նկարահանվել է 1965 թվականին Սարյանի 85-ամյակի առթիվ: Ֆիլմի ռեժիսորն է Լայերտ Վաղարշյանը, խոսքերի հեղինակ` հայտնի գրող Իլիա Էրենբուրգն է, իսկ երաժշտության հեղինակն է Սարյանի կրտսեր որդին` Լազար Սարյանը», - հիշեցրեց Սարյանի տուն թանգարանի տնօրեն Ռուզան Սարյանը:
Նա հավելեց, որ նրանք անում են ամեն ինչ, որ իր արդիականությունը չկորցնող ֆիլմը երկրորդ կյանք ստանա:
«Սա կարևոր է, քանի որ երկար տարիներ ֆիլմը գտնվել է արխիվում ու չի ցուցադրվել», - նշեց Ռուզան Սարգսյանը:-0-
