ԵՐԵՎԱՆ, 12 դեկտեմբերի./Նովոստի-Արմենիա/. Դերասան Վալենտին Գաֆտը մահացել է շաբաթ օրը 85 տարեկան հասակում: Այս մասին ՏԱՍՍ-ին հայտնել է նրա կինը՝ Օլգա Օստրոումովան:
«Այո, նա մահացել է: Դա այսօր է կատարվել»,- հայտնել է նա:
ՏԱՍՍ-ին աղբյուրը հայտնել է, որ դերասանի հուղարկավորությունը կլինի դեկտեմբերի 15-ին Մոսկվայի Տրոեկուրովսկի գերեզմանատան արվեստի գործիչների ճեմուղում:
Վալենտին Գաֆտը ծնվել է 1935 թվականի սեպտեբերի 2-ին Մոսկվայում՝ Պրիլուկիից տեղափոխված հրեական ընտանիքում։ 1957 թվականին ավարտել է ՄԳԱԹ-ի դպրոց-ստուդիան (Վասիլի Տոպորկովի արվեստանոց), կատարել նորամուտը Մոսսովետի անվան թատրոնում: Կինոյում նորամուտը կատարել է 1956 թվականին «Սպանություն Դանթե փողոցում» ֆիլմում (կատարելով էպիզոդիկ դերերից մեկը՝ մարմնավորելով մարդասպանին)։ Գաֆտը ակտիվորեն նկարահանվել է կինոյում, այդ թվում բազմաթիվ սովետական կինոնկարներում. «Գարնան 17 ակնթարթները», «Բարև ձեզ, ես ձեր մորաքույրն եմ», «Կախարդներ» և այլք:
Բազմաթիվ մրցանակների դափնեկիր է, այդ թվում «Հայրենիքին մատուցած ծառայությունների համար» 2-րդ, 3-րդ և 4-րդ աստիճանի, Կ.Ս.Ստանիսլավսկու թատերական մրցանակ ՝ դերասանական արվեստի զարգացման գործում ունեցած ներդրման համար (2007), «Ոսկե արծիվ» մրցանակ ՝ լավագույն տղամարդու դեր «12» ֆիլմում (2007), Անդրեյ Միրոնովի անվան մրցանակ «Թատրոնի հայրենիքին մատուցած ծառայության համար» (2011), «Թատերական աստղ» անվանակարգում ՝ «Բեմական լեգենդ» (2015): - 0-
