ԵՐԵՎԱՆ, 16 հոկտեմբերի. /Նովոստի-Արմենիա/. Երաժշտական արտադրությանը նվիրված Billboard ամսագիրը հայտարարել է, որ Մադոննան երաժշտական արտադրության մեջ ունեցած իր ավանդի համար հաղթել է «Տարվա կին» անվանակարգում:
«Մադոննան այն հազվադեպ սուպերարտիսներից է, ում ազդեցությունը և կարիերան դուրս է գալիս երաժշտության շրջանակից», - ասել է Hollywood Reporter, Billboard մեդիախմբի նախագահ և ստեղծագործական տնօրեն Ջենիս Մինը:
Նրա խոսքով, Մադոննան ոգեշնչում է հարյուր միլիոնավոր մարդկանց ողջ աշխարհով մեկ: Բացի այդ, նա կարևոր դեր է խաղում որպես ֆեմինիստ և օգտագործում է իր ազդեցությունը կանանց, սեքսուալության և հավասար իրավունքների նկատմամբ վերաբերմունքը փոխելու համար, հաղորդում է ՌԻԱ Նովոստին:
Ակնկալվում է, որ երգչուհին կստանա մրցանակը Billboard Women in Music-ի 11-րդ ամենամյա մրցանակաբաշխությանը, որը տեղի կունենա դեկտեմբերին Նյու Յորքում:
Նախորդ տարի «Տարվա կին» մրցանակը շնորհվել էր ամերիկացի երգչուհի Լեդի Գագային (իրական անունը Ստեֆանի Ջոան Անջելինա Ջերմանոտա):
Billboard-ը ամերիկյան ամսագիր է երաժշտական ոլորտի մասին: Մասնավորապես, ամսագիրը հայտնի է իր երաժշտական հիթ-շքերթներով և ժանրից անկախ լավագույն երգերի չարթերով: Բացի այդ, Billboard-ի՝ երաժշտական լավագույն կատարողների ամենամյա մրցանակաբաշխությունը ԱՄՆ-ի երաժշտական ոլորտի ամենահեղինակավոր մրցանակներից մեկն է: -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում
