ԵՐԵՎԱՆ, 20 նոյեմբերի. /Նովոստի-Արմենիա/. YouTube-ում հայտնվել է ռուսական էստրադային էրգիչ Գրիգորի Լեպսի համերգի տեսագրությունը, որտեղ երևում է, թե ինչպես է արտիստն ընկնում «Ես երջանիկ եմ» երգի կատարման ժամանակ, գրում է
Lenta.ru-ն:
Կրկներգի պահին երգիչը չի կարողանում պահել հավասարակշռությունը և ընկնում է: Նրան օգնում է ոտքի կանգնել կողքին կանգնած անվտանգության աշխատողը:
Չնայած միջադեպին՝ երաժշտությունն ու երգի բառերը շարունակում են հնչել:
Val Noff օգտատիրոջ հրապարակած տեսանյութի նկարագրության մեջ ասվում է, թե Լեպսը հարբած է, իսկ համերգն անցկացվել է Դոնի Ռոստովում: Միաժամանակ, ինչպես հայտնում է kp.ru-ն, իրականում ելույթը կայացել է նոյեմբերի 11-ին Մոսկվայում «Սաֆիսա» միջոցառումների դահլիճում ոմն Վլադիմիրի հոբելյանի տոնակատարության շրջանակում: Միջոցառումը վարել է իբր Նիկոլայ Բասկովը, իսկ հրավիրվածների թվում եղել է նաև Սոսո Պավլիաշվիլին:
«Խոսում է Մոսկվան» ռադիոկայանը կապվել է Լեպսի PR-տնօրեն Մայա Սերիկովայի հետ, ով, սակայն, հրաժարվել է մեկնաբանությունից: -0-
