ԵՐԵՎԱՆ, 28 սեպտեմբերի./Նովոստի–Արմենիա/. Լիբանանահայ դիզայներ Կրիկոր Ջաբոտյանի (Krikor Jabotian) անունն արդեն վաղուց բրենդ է դարձել:
Նրա ստեղծած յուրաքանչյուր զգեստ երևակայության նոր աստիճան է:
Այն իր մեջ կրում է դիզայների նոր հայացքը, դեկորի ինչ-որ տարր:
Ջաբոտյանը շքեղ կտորներ է օգտագործում՝ ստեղծելու համար այնպիսի զգեստներ, որոնք միաժամանակ վինտաժային են և ժամանակակից:
Բեյրութի ESMOD հեղինակավոր դպրոցն ավարտելուց հետո 18 տարեկանում սկսելով կարիերան Էլի Սաաբի ստեղծարարության բաժնում` նա մեծ փորձ ձեռք բերեց, որի շնորհիվ կարիերա սկսեց նորաձևության ոլորտում:
Շատ շուտով Կրիկորը կարիերա սկսեց որպես անկախ դիզայներ և 23 տարեկանում ստեղծեց Krikor Jabotian ատելիեն, ինչպես նաև ներկայացրեց առաջին հավաքածուն: Ընկերությունը սկսեց արագորեն բարգավաճել և դարձավ ընտանեկան հաջող բիզնեսի վառ օրինակ: -0-
