ԵՐԵՎԱՆ, 9 սեպտեմբերի. /Նովոստի-Արմենիա/. Հայ երգիչ Գևորգ Հարությունյանը երկրորդ տեղն է կիսել ռուսաստանցի Դարիա Անտոնյուկի հետ «Նոր ալիք» փառատոնում, որի եզրափակիչն անցկացվեց կիրակի Սոչիում:
Հաղթող է ճանաչվել ռուսաստանցի դերասան և երգիչ Դան Ռոզինը Ռուսաստանից, ով 298 միավոր է հավաքել երեք ելույթների արդյունքներով: Արծաթե մրցանակակիրները հաղթողին զիջել են ընդամենը մեկ միավորով:
Մրցանակակիրների եռյակը եզրափակել է Demy-ն Հունաստանից (295 միավոր):
Փոփ երաժշտության երիտասարդ կատարողների 17-րդ միջազգային մրցույթը կայացել է Սոչիում սեպտեմբերի 4-ից 9-ը: Եզրափակչին մասնակցել է 15 կատարող 10 երկրներից` Հայաստանից, Ադրբեջանից, Բուլղարիայից, Հունաստանից, Իտալիայից, Ղազախստանից, Կանադայից, Մալթայից, Ռուսաստանից և Ուկրաինայից: -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում