Համաշխարհային աստղերի հետ համագործակցելը դժվար չէ. Գև Մանուկյան

ԵՐԵՎԱՆ, 21 նոյեմբերի. /Նովոստի-Արմենիա/. Համաշխարհային աստղերի հետ համագործակցելը դժվար չէ, չէ՞ որ նրանք սովորական մարդիկ են, ուրբաթ լրագրողներին ասաց հայ պարող, Երևանում «Սառույցի թագավորներ» շոուի մասնակից Գև Մանուկյանը:

 Հիշեցնենք, որ «Սառույցի թագավորներ» մեծ շոուն, որը պետք է կայանար Հայաստանի մայրաքաղաքում, տեղափոխվել է 2016 թվականի մարտի 5-ին Փարիզի ողբերգական իրադարձությունների պատճառով:

 Մանուկյանը գործակցել է համաշխարհային մակարդակի այնպիսի աստղերի հետ, ինչպիսիք են` Ուիթնի Հյուսթոնը, Փինքը, Նելլի Ֆուրտադոն և ուրիշներ:

 «Ես երբեք նրանց հետ խնդիր չեմ ունեցել: Նրանք բոլորը սովորական մարդիկ են»,- ասաց պարողը:
Ինչպես նշում է panorama.am-ը, Մանուկյանը միշտ երազել է ելույթ ունենալ փոփ-արքա Մայքլ Ջեքսոնի հետ, բայց չի հասցրել: Այժմ Մանուկյանն ապրում է ԱՄՆ-ում: Նա նկարահանվել է ֆիլմերում և գովազդային հոլովակներում: Վերջին անգամ Հայաստան է այցելել չորս տարեկան հասակում:

Արդեն հինգ տարի է, ինչ Մանուկյանը զբաղվում է գեղասահքով: Նրա ծնողները գեղասահորդներ են: Մանուկյանը պետք է մասնակցի «Սառույցի թագավորները» շոուին:

«Սեփական ժողովրդի առջև ելույթը պարտավորեցնող է: Անհամբեր սպասում եմ մարտի 5-ին, որ իրականացնեմ այն, ինչ չհաջողվեց նախօրեին»,- ընդգծեց Մանուկյանը:
Շոուին մասնակցել են Ֆրանսիայի Հանրապետության քաղաքացիներ` Բրայան Ժուբերը, Մարի Պիեր Լերեն, Գիոնի Սոբատերը:

Ահաբեկությունների ալիք է անցել նոյեմբերի 14-ի լույս գիշերը Փարիզում: Վերջիկն տվյալներով, դրանց հետևանքով զոհվել է 129 մարդ, ևս 350-ը` վիրավորվել: –0—