Գրիգորի Լեպսը համերգ կտա Երևանում

ԵՐԵՎԱՆ, 5 նոյեմբերի. /Նովոստի–Արմենիա/. Ռուսաստանի ամենաճանաչված էստրադային երգիչ Գրիգորի Լեպսը նոյեմբերի 13–ին համերգ կտա Երևանում, «Նովոստի–Արմենիա» գործակալությանը հայտնեցին համերգի կազմակերպիչները։

 Համերգը կանցկացվի Կ.Դեմիրճյանի անվան մարզահամերգային համալիրում։ Համերգի ընթացքում կհնչեն ինչպես հին հիթեր, այնպես էլ Լեպսի նաև բոլորովին նոր երգեր։ Կազմակերպիչների խոսքով, երևանցիներին սպասում է անմոռանալի շոու ոչ միայն տեխնիկայի առումով, այլ նաև բեմական ձևավորման տեսանկյունից։

 «Վերադարձ» կվինտետը համերգ կտա Երևանում>>

 Գրիգորի Լեպսը ռուսական էստրադայի վառ ներկայացուցիչ է, կոմպոզիտոր, պրոդյուսեր, Էստրադային արվեստի գործիչների միջազգային միության անդամ, Ռուսաստանի վաստակավոր արտիստ, Կարաչաևո–Չերկեսիայի ժողովրդական արտիստ և «World Music Awards», «Տարվա երգ», «Ոսկե գրամոֆոն» մրցանակների դափնեկիր։ -0-