«Դովլաթովը» Բեռլինի կինոփառատոնի մրցութային ծրագրում է

ԵՐԵՎԱՆ, 19 դեկտեմբերի. /Նովոստի–Արմենիա/. Ալեքսեյ Գերման կրտսերի «Դովլաթով» ֆիլմն ընդգրկվել է Բեռլինի կինոփառատոնի մրցութային ծրագրում, գրում է Газета.ру–ն` հղում անելով Variety–ին։

Մրցութային ծրագրում են նաև Գաս Վան Սենթի «Մի անհանգստացիր, ոտքով շատ հեռու չի գնա» (ԱՄՆ), Բենուա Ժակոյի «Եվա» (Ֆրանսիա), Լաուրա Բիսպուրիի «Դուստր իմ» (Իտալիա/Գերմանիա/Շվեյցարիա) ֆիլմերը։ Բացի այդ, մրցանակային տեղերի համար կպայքարեն Գերմանիայի և Լեհաստանի ժապավենները։


Բեռլինալեն կանցկացվի 2018 թվականի փետրվարի 15–ից 25–ը։

Ավելի վաղ հաղորդվել էր, որ Ուես Անդերսոնի «Շան կղզի» անիմացիոն ֆիլմը կբացի Բեռլինի 68–րդ կինոփառատոնը։

«Դովլաթով» ֆիլմը կինովարձույթում կհայտնվի 2018 թվականի առաջին կեսին։ -0-