ԵՐԵՎԱՆ, 11 նոյեմբերի. /Նովոստի–Արմենիա/. Դերասան Անդրեյ Գայդուլյանը, ով բուժում է անցնում (նրա մոտ քաղցկեղ էին ախտորոշել), երկրպագուներին պատմել է իր առողջության մասին։ Նա որոշել է ավելի հաճախ կապի մեջ լինել և հոլովակ է հրապարակել
Ինստագրամում։
«Ինձ մոտ ամեն ինչ կարգին է, ինձ լավ եմ զգում։ Ես ճաղատ եմ, – պատմել է Գայդուլյանը։ – Շատ եմ ձեզ կարոտում։ Շուտով տանը կլինեմ»։
Դերասանի տեսահոլովակը գրեթե 11 հազար լայք է հավաքել։ Երկրպագուներն արտիստին շուտափույթ ապաքինում են մաղթել։
Գայդուլյանի հիվանդության մասին հայտնի էր դարձել հուլիսի վերջին։ Սկզբում «Ունիվեր» և «ՍաշաՏանյա» սերիալների աստղը բուժում էր ստանում Մոսկվայի ուռուցքաբանական կենտրոնում, այնուհետև բուժումը շարունակեց Գերմանիայում, հաղորդում է vesti.ru–ն։ --0--
