Խվորոստովսկին շնորհակալություն է հայտնել երկրպագուներին աջակցության համար

ԵՐԵՎԱՆ, 29 հունիսի. /Նովոստի–Արմենիա/. Օպերային երգիչ Դմիտրի Խվորոստովսկին, ում մոտ ախտորոշել էին գլխուղեղի քաղցկեղ, շնորհակալություն է հայտնել երկրպագուներին աջակցության համար։

Խվորոստովսկին չեղյալ է հայտարարել բոլոր ելույթները մինչև օգոստոսի վերջ` գլխուղեղի քաղցկեղ ախտորոշման պատճառով։

«Իմ թանկագին բարեկամնե՛ր, շնորհակալ եմ ձեր աջակցության խոսքերի համար։ Ես կպահպանեմ ձեր բարի ցանկություններն ու բարի խոսքերն իմ բուժման ընթացքում», – գրել է Խվորոստովսկին Facebook–ի իր էջում, հայտնում է «ՌԻԱ Նովոստին»։

Եվրոպական օպերային բեմում Խվորոստովսկին առաջին անգամ ելույթ է ունեցել Նիսում` Ելեցկու դերերգով (Չայկովսկի «Պիկովայա դամա»), ելույթ է ունեցել աշխարհի լավագույն օպերային թատերաբեմերում, այդ թվում Քովենթ Գարդեն (Վերդի, «Պուրիտաններ»), Լա Սկալա (Վերդի, «Դոն կառլոս»), Մարիինյան թատրոնում (Ռիմսկի Կորսակովի «Պիկովայա դամա» և «Ցարի հարսնացուն»), Մետրոպոլիտեն օպերայում («Պիկովայա դամա»), Վիեննայի օպերայում (Վերդի, «Տրավիատա»)։ Խվորոստովսկին մշտապես համագործակցում է Նյու Յորքի, Բոսթոնի, Չիկագոյի, Սան Ֆրանցիսկոյի, Ռոտերդամի առաջատար սիմֆոնիկ նվագախմբերի հետ։ Խվորոստովսկին Գլինկայի անվան երգիչների համամիութենական մրցույթի (I մրցանակ, 1987), Թուլուզի միջազգային վոկալիստների մրցույթի (Ֆրանսիա, I մրցանակ, 1988) դափնեկիր է։ Քարդիֆում (Մեծ Բրիտանիա, 1989) Բի–Բի–Սի հեռուսատաալիքի մրցույթում նա արժանացել է «Աշխարհի լավագույն երգիչ» կոչման։ -0-