Ավերբուխի «Օդնոկլասնիկի–2015. Սառցե շրջան» շոուն Երևանում տեղափոխվել է 2016 թվականին. կազմակերպիչներ
ԵՐԵՎԱՆ, 15 մայիսի. /Նովոստի–Արմենիա/. Իլյա Ավերբուխի «Օդնոկլասնիկի–2015. Սառցե շրջան» շոուն, որը ծրագրված էր այս տարվա մայիսի 24–ին Երևանում, տեղափոխվել է 2016 թվականին, ուրբաթ լրագրողներին ասաց Forpostart Production ընկերության գլխավոր տնօրեն և պրոդյուսեր Զառա Մխեյանը։
«Ֆորսմաժորային իրավիճակ է ստեղծվել։ Այդ կապակցությամբ վաղն Իլյա Ավերբուխի պաշտոնական կայքում հայտարարություն կհրապարակվի»,– ասաց Մխեյանը` մանրամասներ չհայտնելով։
Նա հավաստիացրեց, որ տոմսեր գնած բոլոր քաղաքացիները կարող են դրանք վերադարձնել դրամարկղեր և հետ ստանալ իրենց գումարները։
«Օդնոկլասնիկի–2015. Սառցե շրջան» շոուն պատմում է նույն դասարանում սովորած մարդկանց պատմությունը, ովքեր հանդիպել են շատ տարիներ անց։ Խորեոգրաֆայի օգնությամբ նրանք պատմում են այն մասին, թե ինչ է կատարվել իրենց հետ այդ ընթացքում` ինչ են դարձել, ինչի են հասել կյանքում։
Այդ ամենը կատարվում է թատերական ընդհանուր գործողությամբ, որի դրամատուրգիան կառուցված է այնպես, որ յուրաքանչյուր համարի տրամաբանորեն փոխարինում է մյուսը և ավարտվում բոլոր «պարողների» մասնակցությամբ։
Շոուի մասնակիցները հայտնի դերասաններ, հեռուստահաղորդավարներ, երաժիշտներ են, ում «սառցե հաջողություններին» հետևել է ամբողջ Ռուսաստանը յուրաքանչյուր շաբաթ «Սառցե շրջան» ծրագրում։ -0-
