«24/04» համաշխարհային նվագախմբի «Վերածնունդ» համերգը կանցկացվի Հայաստանում ապրիլի 24–ին
ԵՐԵՎԱՆ, 23 ապրիլի. /Նովոստի–Արմենիա/. Ավելի քան 120 երաժիշտներ 43 երկրից «24.04» միավորված նվագախմբով համերգ կտան Երևանում ապրիլի 24–ին` Հայոց ցեղասպանության զոհերի հիշատակի օրը, ասաց Հայաստանի պետական երիտասարդական նվագախմբի գեղարվեստական ղեկավար Սերգեյ Սմբատյանը։
«Դա աննախադեպ համերգ կլինի ոչ միայն այն պատճառով, որ այստեղ հավաքվել են լավագույն երաժիշտները, այլ նաև այն պատճառով, որ մենք կատարում ենք հայ կոմպոզիտորների կողմից վերջին 100 տարիներին գրված ստեղծագործությունները»,– նշեց Սմբատյանը։
Ըստ նրա` համաշխարհային նվագախմբերի երաժիշտները եկել են Հայաստան` հասկանալով խնդիրը և դրա իմաստը, ինչի մասին պետք է խոսել։
«43 երկրներ այսօր ներկայացվել են Հայաստանում, մենք ունենք մեծ երաժիշտներ աշխարհի լավագույն նվագախմբերից։ Այսօր Հայաստանում են անվանի և լեգենդար դիրիժորներ Միխայիլ Յուրովսկին Ռուսաստանից և Ջանլուկա Մարչիանոն, ովքեր տարբեր սերունդների ներկայացուցիչներ են»,– ասաց դիրիժորը։
Երաժիշտների առջև, Սմբատյանի խոսքով, նպատակ է դրված` ներկայացնել մարդկանց գաղափարները, խնդիրը և արվեստը, որովհետև բոլոր երաժիշտները հասկանում են, որ կարող են ինչ–որ բան փոխել աշխարհում։
Համերգը բաղկացած է չորս մասից` հիշողություն (Հովհաննես Չեքիջյանի գլխավորությամբ), երախտագիտություն (Միխայիլ Յուրովսկի), միջազգային պայքար (Ջանլուկա Մարչիանո) և վերածնունդ (Սերգեյ Սմբատյան)։
Հայոց ցեղասպանությունը ХХ դարի առաջին ցեղասպանությունն է։ Թուրքիան ավանդաբար մերժում է Առաջին համաշխարհային պատերազմի տարիներին շուրջ մեկուկես միլիոն հայերի զանգվածային ջարդեր իրականացնելու մեղադրանքները և չափազանց ցավագին է վերաբերվում Արևմուտքի այն քննադատություններին, որոնք վերաբերում են Հայոց ցեղասպանության հարցին։
Հայոց ցեղասպանության փաստը ճանաչել են բազմաթիվ երկրներ, մասնավորապես` Ուրուգվայը, Լիտվան, Ռուսաստանը, Ֆրանսիան, Իտալիայի խորհրդարանի ստորին պալատը, Գերմանիան, Հոլանդիան, Սլովակիան, Շվեդիան, Շվեյցարիան, ԱՄՆ 42 նահանգներ, ինչպես նաև Հունաստանի, Կիպրոսի, Արգենտինայի, Բելգիայի, Ուելսի խորհրդարանները, Կանադայի խորհրդարանի համայնքների պալատը և Լեհաստանի սեյմը, Վատիկանը, Եվրախորհդարանը, Եկեղեցիների համաշխարհային խորհուրդը։ –0–
