ԵՐԵՎԱՆ, 16 մարտի. /Նովոստի–Արմենիա/. Երևանում հայտնի երգչուհի Իրինա Ալեգրովայի համերգն անպայման կկայանա մայիսի 23–ին, հայտատարել է Forpostart Production ընկերության մոսկովյան գրասենյակի գլխավոր տնօրեն Ալեքսանդր Տոլստելևը, ով նաև համերգի կազմակերպիչն է։
Ալեգրովայի «Բիս» համերգը պետք է կայանար մարտի 6–ին Երևանի Կ.Դեմիրճյանի անվան մարզահամերգային համալիրում, համերգն այնուհետև տեղափոխվել էր ապրիլի 6–ին։
«Անձամբ ես եմ Իրինա Ալեքսադրովնային դիմավորել Երևանում։ Բայց համերգի օրը ժամը հինգից հետո վատ զգացողություն ուներ, ջերմությունը բարձրացել էր մինչև 39.5 աստիճանի։ Մենք բժիշկների բրիգադ կանչեցին, ովքեր նրան կաթիլային միացրեցին»,– ասել է Տոլստոլևը` բացատրելով այն պատճառները, որոնց հետևանքով համերգը հետաձգվել էր։
Նա նշել է, որ սկզբում համերգը հետաձգվել է մեկ ամսով, բայց, ելնելով բազմաթիվ օբյեկտիվ գործոններից, նախևառաջ, այն պատճառով, որ ապրիլին Երևանում անցկացվելու են Հայոց ցեղասպանության 100–ամյա տարելիցին նվիրված բազմաթիվ միջոցառումներ, ինչպես նաև երգչուհու հյուրախաղերի խիտ ժամանակացույցի պատճառով համերգը տեղափոխվել է մայիսի 23–ին։
Forpostart Production ընկերության գլխավոր տնօրեն և պրոդյուսեր Զառա Մխեյանն իր հերթին նշել է, որ անընդունելի է համարում այն մարդկանց վարքագիծը, ովքեր նվեր ստանալով համերգի տոմսերը, փորձում են դրանք կամ վերադարձնել, կամ վաճառել։
«Եթե դուք ցանկանում եք վերադարձնել գնված տոմսը, ապա ձեզ անհրաժեշտ է գրել [email protected] հասցեին, ինչից հետո կստուգվի, թե արդյո՞ք, տոմսը գնվել է, և դրանից հետո կնշանակվի որոշակի օր, երբ բոլոր ցանկացողները կկարողանան վերադարձնել տոմսերը ՄՀՀ–ի դրամարկղեր»,– ասաց Մխեյանը։
Նա միաժամանակ խնդրեց այդ հարցով չդիմել քաղաքի դրամարկղերին։
Հաշվի առնելով մամուլում տարածված լուրերն այն մասին, որ Ալեգրովան իբր ընդհանրապես չի եկել Երևան` ներկաներին ներկայացվել է հյուրանոցի տեղեկատվական թերթիկը երգրուհու բնակվելու և մեկնելու մասին։
Ալեգրովան ռուսական էստրադայի ամենավառ և սեքսուալ երգչուհիներից մեկն է։ Տարբեր տարիներին նա կատարել է այնպիսի երգեր, ինչպես «Հարսանեկան ծաղիկներ», «Ծննդյան օր», «Իմպերատրիցա», «Կրտսեր լեյտենանտ», «Չեմ հավատում», «Բարև, Անդրեյ», «Անավարտ սիրավեպ», «Օտարական», «Առևանգողը»։ -0-
