Թումանյանի երևանյան տուն–թանգարանի այցելուները «կտեղափոխվեն» հին Թբիլիսի

ԵՐԵՎԱՆ, 19 փետրվարի. /Նովոստի–Արմենիա/. Հովհաննես Թումանյանի երևանյան տուն–թանգարանի այցելուները 3D-պրոեկտորի շնորհիվ կկարողանան «տեղափոխվել» 20–րդ դարի սկզբի Վոզնեսենսկայա 18 թբիլիսյան փողոց, որտեղ ապրել է հայ մեծ բանաստեղծը, հինգշաբթի լրագրողներին ասաց տուն–թանգարանի գիտաշխատող Անի Եղիազարյանը։

Նախագիծը գործարկվել է փետրվարի 19–ից` հենց այդ օրը, 146 տարի առաջ ծնվել է Հովհաննես Թումանյանը։ Եղիազարյանի խոսքով, ամբողջ պրոեկցիան, որն արդեն հասանելի է այսօրվանից, մշակվել է այնպես, որ մարդն իրեն զգում է փողոցում, որտեղ կարող է անցորդներին ողջունող Թումանյանի հետ։

«Այնուհետև այցելուն շարունակում է իր ճանապարհը դեպի Թումանյանի բնակարանը երկրորդ հարկում, որը գրողի թբիլիսյան բնակարանի ճշգրիտ կրկնօրինակն է»,– ասաց նա։

Բացի այդ, Եղիազարյանի խոսքով, երևանյան թանգարանի սենյակներից մեկը բաց է այցելուների համար նրա ծննդյան օրը։ «Նրանից հետո, երբ կառուցվել է թանգարանը, այնտեղ ապրել են գրողի այրին` Օլգան, և նրա երեք դուստրերը, և հյուրասենյակը, որը գտնվում էր առաջին հարկում, վերածվել է հուշերի սենյակի, որը պահպանել է իր նախնական տեսքը»,– ասաց Եղիազարյանը։

Ըստ նրա, այդ հյուրասենյակում այցելուները հնարավորություն կունենան մեկ գավաթ գինի խմել և կենաց ասել, քանի որ, ըստ ավանդույթի, գրողի այրին նրա ծննդյան օրը հավաքում էր նրա տաղանդի գնահատողներին և ընկերներին։

«Սկսած 2008 թվականից` Հովհաննես Թումանյանի ծննդյան օրն ընդունված է համարել Գիրք նվիրելու օր... Այս տարի որոշվել է, որ տուն–թանգարանի բոլոր այցելուներին բոլոր նվիրված գրքերը կփոխանցվեն Տավուշի մարզի զինծառայողների փոքրիկ գրադարանին»,– նշեց Թումանյանի անվան տուն–թանգարանի աշխատակցուհին։

Նաև, Եղիազարյանի խոսքով, գրողի ծննդյան օրը Մխիթար Սեբաստացի կրթահամալիրի դպրոցականները և ուսուցիչներն այցելուներին կներկայացնեն երաժշտական ծրագիր և բանաստեղծություններ։

«Բացի այդ, այսօր Facebook սոցիալական ցանցում կբացվի «Թումանյանի աշխարհը» անվանումով խումբ, որի մասնակիցները յուրաքանչյուր ամսվա վերջին ուրբաթ օրը կկազմակերպեն ինտերակտիվ խաղեր, որոնք կօգնեն ավելի մոտ ծանոթանալ Թումանյանի հետ և նրան ավելի լավ ճանաչել։ Հաղթողներին մրցանակներ են սպասում»,– ավելացրեց Եղիազարյանը։

Գիրք նվիրելու օրը Հայաստանում նշվում է 2008 թ.–ից Հայաստանի գրողների միության նախագահ Լևոն Անանյանի նախաձեռնությամբ։ Տոնի ամսաթիվը պատահական չէ ընտրված։ 1869 թ.–ին այդ օրը ծնվել է մեծանուն հայ գրող, բանաստեղծ և հասարակական գործիչ Հովհաննես Թումանյանը։

Այդ օրը երկրում կազմակերպվում են բազմաթիվ գրական միջոցառումներ, պոեզիայի երեկոներ, հանդիպումներ հայտնի գրողների և բանաստեղծների հետ։ Տոնի նպատակն է երիտասարդների շրջանում սերմանել սեր ընթերցանության նկատմամբ  և հետաքրքրություն` սեփական պատմության ու մշակույթի նկատմամբ։ Այս օրվա տոնական ավանդույթներից է հետաքրքիր գիրք նվիրել մտերիմ մարդուն։

Հովհաննես Թումանյանի տուն–թանգարանը Երևանում բացվել է 1953 թվականին, հիմնադիրն ու առաջին տնօրենը բանաստեղծի դուստր Աշխեն Թումանյանն էր։ Թանգարանում վերստեղծվել է այն մթնոլորտը, որում ապրել և ստեղծագործել է Թումանյանը Թբիլիսիում 1900 թվականից մինչև իմ մահը` 1923 թվականը։

Հավաքել են ճաշասենյակի, հյուրասենյակի և բանաստեղծի թբիլիսյան աշխատասենյակի իրերն ու ներքին հարդարումը։ Ցուցադրվում է անձնական գրադարանը, որտեղ կա մոտ 8000 հատոր` նվիրված կովկասագիտությանը, հայագիտությանը, պատմությանը, մշակույթին, կրոններին և տարբեր ժողովուրդների բանահյուսությանը։ Գրադարանը բաց է բանսստեղծի ստեղծագործությունն ուսումնասիրողների համար։ -0-