Պուտինը Պուշկինի մեդալով է պարգևատրել Երևանի Ստանիսլավսկու անվան թատրոնի տնօրենին

ԵՐԵՎԱՆ, 10 փետրվարի. /Նովոստի–Արմենիա/. Ռուսաստանի նախագահ Վլադիմիր Պուտինը Պուշկինի մեդալով է պարգևատրել Երևանի Ստանիսլավսկու անվան պետական ռուսական ակադեմիական թատրոնի տնօրեն Ֆրեդերիկ Դավթյանին, երեքշաբթի հաղորդում է բանկի մամուլի ծառայությունը։

Համապատասխան հրամանագիրը Ռուսաստանի նախագահը ստորագրել է փետրվարի 4-ին, այն հրապարակվել է երեքշաբթի նախագահի պաշտոնական կայքում։

Մեդալը շնորհվել է Ռուսաստանի Դաշնության հետ բարեկամության և համագործակցության ամրապնդման գործում ունեցած մեծ ավանդի, մշակութային կապերի զարգացման համար։

Երևանի ռուսական դրամատիկական թատրոնը հիմնադրվել է 1937 թ.-ին։ Դա մեծ իրադարձություն էր հանրապետության մշակութային կյանքում, քանի որ ռուսական թատրոնի գործունեությունը անբաժանելի է Հայաստանի սոցիալական, մշակութային կյանքից։--0--