ԵՐԵՎԱՆ, 11 նոյեմբերի. /Նովոստի-Արմենիա/. Հայ ռեժիսոր Հայկ Օրդյանի «Էդուարդ Ղազարյան. հրաշագործը» ֆիլմը հաղթել է Հյուսիսային Կովկասի վավերագրական ֆիլմերի և հեռուստատեսային հեղինակային ծրագրերի «Կունակի» 8-րդ փառատոնի «Մշակույթ և արվեստ» անվանակարգում:
Ւնչպես հաղորդում է Ռուսաստանի հայերի «Երկրամաս» թերթի տեղեկատվական կենտրոնը, նման որոշում է ընդունել փառատոնի ժյուրին, որն այս տարի գլխավորում է վավերագրական կինոյի ռեժիսոր, Ոչ խաղարկային կինոյի գիլդիայի անդամ Եվգենի Գոլինկինը:
Հյուսիսային Կովկասի վավերագրական ֆիլմերի և հեռուստատեսային հեղինակային ծրագրերի «Կունակի» 8-րդ փառատոնն ավարտվել է օրերս Սուխումիում (Աբխազիայի Հանրապետություն): Այս անգամ Գրան-պրի չի սահմանվել: Հաղթողները որոշվել են հինգ անվանակարգերում: Փառատոնի փակման հանդիսավոր արարողությունը տեղի է ունեցել Աբխազիայի պետական ֆիլհարմոնիայում: Փառատոնն այս տարի նվիրված էր Առաջին համաշխարհային պատերազմի սկզբի 100-ամյակին և ռուսական պետության պաշտպանությանը Կովկասի ժողովուրդների մասնակցությանը:-0-
