Գրքի խոշորագույն տոնավաճառն է բացվել Մայնի Ֆրանկֆուրտում

Այս տարի տոնավաճառն անցկացվում է Ֆինլանդիայի նշանի ներքո: Ընդհանուր առմամբ միջոցառմանը կներկայացվի մոտ 400 հազար անուն գիրք` 170 հազար քմ տարածքում: Ֆրանկֆուրտում հոկտեմբերի 8-12-ը կհավաքվեն 102 երկրներից ավելի քան 7 հազար հրատարակչությունների ներկայացուցիչներ: Կանխատեսվում է, որ ցուցահանդեսը կունենա մոտ 275 հազար հյուր, որոնց համար տոմսն արժե 18 եվրո, ինչպես նաև գրքի արդյունաբերության 170 հազար մասնագետ:

Ֆրանկֆուրտում գրքի տոնավաճառի արմատները հասնում են XV դար, երբ Յոհան Գուտենբերգը հայտնագործեց գրատպությունը: Երկրորդ աշխարհամարտից հետո 1949թ. հոկտեմբերին 205 գրքասերներ Ֆրանկֆուրտում անցկացրեցին հետպատերազմյան առաջին գրքի տոնավաճառը, ինչից հետո այն, ինչպես նաև Լայպցիգի տոնավաճառը, անցկացվում է ամեն տարի:--0--: