Սքարլեթ Յոհանսոնն առաջնեկ է ունեցել, աղջկան կոչել են Ռոուզ

ԵՐԵՎԱՆ, 5 սեպտեմբերի. /Նովոստի–Արմենիա/. Հոլիվուդյան դերասանուհի Աքարլեթ Յոհանսոնը, ով անցյալ տարվա սեպտեմբերին հայտնել էր ֆրանսիացի լրագրող Ռոմեն Դորիակի հետ նշանադրության մասին, առաջին երեխային է ունեցել, ուրբաթ հայտնում է Ասոշիեյթեդ Պրես գործակալությունը։

Ընտանիքի ներկայացուցիչը հայտնել է, որ նորածնին կոչել են Ռոուզ։ Մայրը և երեխան իրենց լավ են զգում, նշել է նա, հաղորդում է «ՌԻԱ Նովոստին»։

29–ամյա դերասանուհու անձնական կյանքը հաճախ է դարձել «դեղին մամուլի» լուրերի առարկա` նրան էին վերագրում սիրավեպեր հոլիվուդյան աստղեր Ջարեթ Լետոյի, Բենիսիո դել Տորոյի, Մարկ Ուոլբերգի և երաժիշտ Ջասթին Թիմբերլեյքի հետ։ 2008 թվականին Յոհանսոնն ամուսնացել էր դերասան Ռայան Ռեյնոլդսի հետ, ում հետ ամուսնալուծվել է 2010 թվականին։

Նկարահանվել է մոտ 30 ֆիլմերում։ Ռեժիսոր Վուդի Ալենի սիրելին է և նկարահանվել է նրա երեք ֆիլմերում` «Մատչ–Փոինթ», «Սենսացիա» և «Վիկի Քրիստինա Բարսելոնա»։ Դերասանուհին նաև ծանոթ է «Կախարդը», «Ուրվականների աշխարհ», «Թարգմանության դժվարությունները», «Մարգարտե ականջօղով աղջիկը» և «Սև խոլորձ» ֆիլմերով։ Նրա նոր աշխատանքներից է «Եղիր իմ կաշվի մեջ» ֆիլմի այլմոլորակայինի դերը։

2012 թվականին Յոհանսոնն աստղ է ստացել հոլիվուդյան «Փառքի պուրակում»։ -0-