Սարիկ Անդրեասյանը ֆիլմ կնկարի 1988 թվականին Սպիտակում տեղի ունեցած երկրաշարժի մասին
ԵՐԵՎԱՆ, 19 մայիսի. /Նովոստի–Արմենիա/. Հայտնի ռեժիսոր Սարիկ Անդրեասյանը ֆիլմ կնկարի 1988 թվականին Սպիտակում տեղի ունեցած երկրաշարժի մասին, գրում է filmz.ru–ն։
«Մի երկրաշարժի պատմություն» ֆիլմի բյուջեն շուրջ 5 միլիոն դոլար կկազմի։
Ենթադրվում է, որ գլխավոր դերում հանդես կգա Վլադիմիր Մաշկովը, սակայն պայմանավորվածություններ դեռ չեն ստորագրվել, գրում է Filmz.ru.-ն: Ֆիլմի նկարահանմամբ կզբաղվեն կինոպրոդյուսեր Ռուբեն Դիշդիշյանը և ռեժիսոր, սցենարիստ ու պրոդյուսեր Սարիկ Անդրեասյանը` պրոդյուսեր Ղևոնդ Անդրեասյանի հետ համատեղ։
Ֆիլմի իրադարձությունները ծավալվելու են Լենինականում: Գլխավոր հերոսները երիտասարդ հայ Ռոբերտ Մելքոնյանն ու տարիքով ավելի մեծ ռուս փրկարար Անդրեյ Բերեժնոյն են, որի դերում էլ հանդես կգա Մաշկովը։
ՌԴ կառավարության, մշակույթի, ՊՆ ու ԱԻՆ, ինչպես նաև ռուսական Առաջին ալիքի աջակցությամբ, ինչպես նաև, Շառլ Ազնավուրի հիմնադրամի ու Հայաստանի Հանրային հեռուստատեսության մասնակցությամբ արտադրվող ֆիլմի նկարահանումներն ամենայն հավանականությամբ կսկսվեն հաջորդ տարվա աշնանը։ -0-
