Հայ բի-բոյները Red Bull BC One Caucasus Cypher 2014-ի նախընտրական փուլում գրավեցին երրորդ հորիզոնականը:

ԵՐԵՎԱՆ, 16 ապրիլի. /Նովոստի–Արմենիա/. Հայ բի-բոյներ Վանուշ Շահինյանը (Booble) ու Արսեն Հովհաննիսյանը (Predator) Red Bull BC One Caucasus Cypher 2014-ի Թբիլիսյան նախընտրական փուլում, որը տեղի ունեցավ ապրիլի 13-ին,  գրավեցին 3-րդ հորիզոնականը:

Ինչպես հաղորդում է Red Bull-ի մամուլի ծառայությունը, Հայաստանիդ մրցույթին մասնակցեց 7 պարող։ Կովկասյան նախընտրական փուլի ժյուրիի կազմում էին Neguin և Hong 10 աշխարհահռչակ բի-բոյները:

Թբիլիսյան առաջնության հաղթող ճանաչվեց վրացի Pioneer-ը, ով կցուցադրի իր վարպետությունը սեպտեմբերին՝ Խորվաթիայում կայանալիք կիսաեզրափակչին, իսկ հաղթանակի դեպքում նա նոյեմբեր ամսին կմեկնի Փարիզ՝ Red Bull BC One 2014 եզրափակչին մասնակցելու, ուր կհավաքվեն ողջ աշխարհի ուժեղագույն բի-բոյները:

Red Bull BC One բրեյքդանսի աշխարհի առաջնությունը անցկացվում է 2004 թ.-ից: Red Bull BC One առաջին մրցույթը տեղի ունեցավ 2004 թ.-ին Շվեյցարիայում: Այդ ժամանակից ի վեր առաջնությունը անցկացվում է ամեն տարի տարբեր երկրներում: 11 տարիների ընթացքում Red Bull BC One-ը ձեռք է բերել բի-բոինգի մրցույթի առաջատարի համբավ, որն երիտասարդներին հնարավորություն է տալիս ցուցադրելու իրենց տաղանդը, կատարելագործելու իրենց ոճը և նպաստելու ողջ աշխարհի բի-բոյների միավորմանը: 

Red Bull BC One All Star-ը բրեյքդանսի պատմության ամենահետաքրքիր և աղմկահարույց նախագիծն է, որտեղ մասնակցում են աշխարհի 10 լավագույն բի-բոյները։ Նրանցից յուրաքանչյուրն ունի պարելու իրեն հատուկ ոճն ու ձևը, սակայն միասին նրանք կերտում են բրեյքդանսի արվեստը և հիպ-հոպի մշակույթը: Նրանց միավորումը նպաստում է բի-բոյների զարգացմանը համաշխարհային մակարդակով։ --0--