Դավիթ Մուրադյանը նշանակվել է Երևանի թատրոնի և կինոյի պետական ինստիտուտի ռեկտորի պաշտոնակատար

ԵՐԵՎԱՆ, 10 ապրիլի. /Նովոստի–Արմենիա/. Հայաստանի կրթության և գիտության նախարարի պաշտոնակատար Արմեն Աշոտյանը հինգշաբթի հրաման է ստորագրել  Դավիթ Մուրադյանին Երևանի թատրոնի և կինոյի պետական ինստիտուտի ռեկտորի պաշտոնակատարի պաշտոնում նշանակելու մասին, հայտնել է Աշոտյանը Facebook–ի իր էջում։

Բուհի ռեկտորի պաշտոնը թափուր էր հունվարի 8–ին Հայաստանի արվեստի վաստակավոր գործիչ Արմեն Մազմանյանի մահից հետո։

Մուրադյանի նշանակումն ուժի մեջ կմտնի ապրիլի 11–ից։ Նա կզբաղեցնի այդ պաշտոնը մինչև Հայաստանի օրենսդրությամբ նախատեսված ընտրություններն ու ռեկտորի նշանակումը։

Հայտնի հայ կինոգետ, պրոֆեսոր Դավիթ Մուրադյանը Հայաստանի ազգային կինոակադեմիայի տնօրենն է։ -0-