Ռուսաստանի լավագույն դուդուկահարները ապրիլի 30–ին կմասնակցեն Դուդուկի առաջին մոսկովյան փառատոնին

ԵՐԵՎԱՆ, 9 ապրիլի. /Նովոստի–Արմենիա/. Ռուսաստանի լավագույն դուդուկահարները կմասնակցեն ապրիլի 30–ին «Մոսկվիչ» մշակույթի կենտրոնում կայանալիք Դուդուկի առաջին մոսկովյան փառատոնին, տեղեկացրել են Հայ երիտասարդների մտավոր փոխգործակցության միության մամուլի ծառայությունից։

Դուդուկը հայկական երաժշտական գործիք է, որը մեծ ճանաչում ունի աշխարհում։ Նա ճանաչվել է ՅՈւՆԵՍԿՕ–ի ոչ նյութական մշակութային ժառանգության գլուխգործոցը։

Փառատոնին կմասնակցեն Հովհաննես Ղազարյանը (Մոսկվա), Մարտին Ղազարյանը (Իրկուտսկ), Վարդան Հարությունյանը (Սանկտ Պետերբուրգ), Վալերի Նամը (Սանկտ Պետերբուրգ), Argishty (Սանկտ Պետերբուրգ), Արամ Ավետիքյանը (Մոսկվա), Յուրի Մուրադյանը (Մոսկվա), Սելենան (Մոսկվա), Վալերի Բինագադինսկին (Մոսկվա), Գեղամ Օհանյանը (Մոսկվա), Գևորգ Հայրապետյանը (Մոսկվա), Վիտալի Պողոսյանը (Սանկտ Պետերբուրգ), Պապին Շահբազյանը (Մոսկվա), Վասո Սադոևը (Մոսկվա), Ռոբերտ Հարությունյանը (Մոսկվա), Մերուժան Աչոյանը (Մոսկվա) և ուրիշներ։

Բացի այդ, փառատոնին կմասնակցեն «ОТТА-оркестр» խումբը, Դիանա Դիկովսկին, Եվգենի Ռոսը, Մարինա Օտմախովան, «Հայորդիք» երգի–պարի համույթը և շատ ուրիշներ։

Նախատեսվում է փառատոնը դարձնել ամենամյա և հաջորդ տարի շնորհել միջազգային կարգավիճակ։

Փառատոնի կազմակերպիչն է dudukist.ru նախագիծը` Մոսկվայի հայ երիտասարդության ասոցիացիայի աջակցությամբ։–0–