«Սոյուզմուլտֆիլմի» նոր շենքը կնորոգվի մինչև 2015թ.–ի փետրվարը
ԵՐԵՎԱՆ, 28 մարտի. /Նովոստի–Արմենիա/. «Սոյուզմուլտֆիլմ» ստուդիայի նոր շենքը, որտեղ այն պետք է տեղափոխվի այս տարվա ամռանը, կնորոգվի մինչև 2015 թվականի փետրվարը, մշակույթի նախարարությունում կայացած ճեպազրույցում հայտնել է ստուդիայի տնօրեն Անդրեյ Դոբրունովը։
«Մինչև 2015 թվականի փետրվարը մենք պետք է նորոգենք տարածքը։ Այդ արկղից «Սոյուզմուլտֆիլմի» կերպարին համապատասխանող շենք դարձնենք։ Նաև կվերստեղծվի դպրոցը` երկամյա դասընթացները։ Այն, ինչի մասին վաղուց խոսում էին անիմացիայի վարպետները»,– ասել է Դոբրունովը, հաղորդում է «ՌԻԱ Նովոստին»։
Բացի այդ, կհայտնվեն «Սոյուզմուլտֆիլմի» թանգարան և շենքեր, ստուդիաներ, որտեղ դեբյուտներ և սերիալներ կստեղծվեն։ Նոր շենք կտեղափոխվի նաև Դոբրունովի ստուդիան` «Դա–ստուդիան», որի հիմնական նպատակը լիամետրաժ անիմացիայի ստեղծումն է։
Ավելի քան կես դար «Սոյուզմուլտֆիլմը» գտնվում էր Նոր Սլոբոդայի Սուրբ Նիկոլայ Միրլիկացու տաճարում։ 1936-1937 թվականներին այն փոխանցվել է «Սոյուզմուլտֆիլմ» կինոստուդիային։
Այժմ ստուդիան կտեղափոխվի նոր շենք կինոկենտրոնից ոչ հեռու` ակադեմիկոս Կորոլյովի 21 փողոցում, որտեղ նախկինում կոնստրուկտորական գրասենյակ էր։ Ծրագրվում է, որ կլինի այս տարվա հուլիսին։ -0-
