ԵՐԵՎԱՆ, 11 մարտի. /Նովոստի–Արմենիա/. Հայաստանի բի-բոյների էլիտան մարտի 14–15–ին կհանդիպի Red Bull BC One 2014–ում՝ բրեյքդանսի ամենահեղինակավոր առաջնության նախընտրական փուլում, «Նովոստի–Արմենիա» գործակալությանը տեղեկացրեցին միջոցառման կազմակերպիչները։
Հայաստանի լավագույն 24 պարողները կպայքարեն ապրիլի 13-ին Թբիլիսիում կայանալիք հերթական կովկասյան նախընտրական փուլին մասնակցելու համար։
Լավագույն բի-բոյներին կընտրի Red Bull BC One 2011-ի հաղթող և Red Bull BC One All Stars անդամ՝ հռչակավոր Roxrite-ը ԱՄՆ-ից:
«Բրեյքդանսի երկրպագուները կդառնան երիտասարդ և էներգիայով լի հայ բի-բոյների մեծ մենամարտերի ականատեսը: Մրցումների 7 հաղթողները ձեռք կբերեն հնարավորություն ցուցադրելու իրենց վարպետությունը կովկասյան նախընտրական փուլում, որը տեղի կունենա ապրիլի 13-ին Թբիլիսիում։ Առաջնության թբիլիսյան փուլի հաղթողը կցուցադրի իր վարպետությունը սեպտեմբերին՝ Խորվաթիայում կայանալիք կիսաեզրափակչին, իսկ հաղթանակի դեպքում նա նոյեմբեր ամսին կմեկնի Փարիզ՝ Red Bull BC One 2014 եզրափակչին մասնակցելու, ուր կհավաքվեն ողջ աշխարհի ուժեղագույն բի-բոյները», – նշվում է հաղորդագրության մեջ։
Red Bull BC One բրեյքդանսի աշխարհի առաջնությունը անցկացվում է 2004 թ.-ից: Red Bull BC One առաջին մրցույթը տեղի ունեցավ 2004 թ.-ին Շվեյցարիայում: Այդ ժամանակից ի վեր առաջնությունը անցկացվում է ամեն տարի տարբեր երկրներում: 11 տարիների ընթացքում Red Bull BC One-ը ձեռք է բերել բի-բոինգի մրցույթի առաջատարի համբավ, որն երիտասարդներին հնարավորություն է տալիս ցուցադրելու իրենց տաղանդը, կատարելագործելու իրենց ոճը և նպաստելու ողջ աշխարհի բի-բոյների միավորմանը:
Red Bull BC One All Star-ը բրեյքդանսի պատմության ամենահետաքրքիր և աղմկահարույց նախագիծն է, որտեղ մասնակցում են աշխարհի 10 լավագույն բի-բոյները։ Նրանցից յուրաքանչյուրն ունի պարելու իրեն հատուկ ոճն ու ձևը, սակայն միասին նրանք կերտում են բրեյքդանսի արվեստը և հիպ-հոպի մշակույթը: Նրանց միավորումը նպաստում է բի-բոյների զարգացմանը համաշխարհային մակարդակով։
Հայ բի-բոյների համար վարպետության և այլընտրանքային դաս կանցկացվի մարտի 14–ին ժամը 14։00–ին Սլավոնական համալսարանի մարզադահլիճում։ Հայաստանում Red Bull BC One 2014 - ի նախընտրական փուլը տեղի կունենա մարտի 15–ին ժամը 18։00–ին «Vitamin ակումբ»–ում։
Օմար Օ.Դելգադո Մասիասը (Omar O. Delgado Macias) հայտնի նաև ինչպես ROXRITE (rocks right բառակապակցությունից) ծնվել է Գվադալահարում` Մեքսիկայում, և սկսել է պարել 12 տարեկանից:
Օմարը ԱՄՆ-ի Սան-Ֆրանցիսկոի նոր հռչակավոր Renegades թիմի անդամ է: Պարողի փորձն ու վարպետությունը արտացոլվեցին իր 71 պարգևատրումների և կոչումների հավաքածուի մեջ, որոնք նրան շնորհվել են տարբեր երկրներում, այդ թվում նաև դեմ առ դեմ մրցումների 23 հաղթանակները: Չնայած որ նա ծնվել է Մեքսիկայի Գվադալահարա քաղաքում` բոլոր մրցույթների և առաջնությունների ժամանակ նա ներկայացնում էր ԱՄՆ - ն, ուր նրա ընտանիքը տեղափոխվել էր, երբ Օմարը 6 տարեկան էր:
ROXRITE-ը RED BULL BC ONE ALL STARS-ի հետ շրջագայում է ամբողջ աշխարհով և RED BULL BC ONE «TURN IT LOOS» վավերագրական ֆիլմի գլխավոր կերպարներից է։–0–
