Ֆրայի նոր գիրքը, Քրիստոսի կյանքի մասին պատմող բեստսելերն ու Նարինե Աբգարյանի ընտանեկան սագան լույս կտեսնեն փետրվարին

ԵՐԵՎԱՆ, 5 փետրվարի. /Նովոստի–Արմենիա/. Մաքս Ֆրայի կարճ արձակի ժողովածուն, ինչպես նաև ոչ քրիստոնյա հեղինակի կողմից գրված Հիսուս Քրիստոսի կենսագրությունն ու «Մանյունյա» գրքի հեղինակ Նարինե Աբգարյանի ընտանեկան սագան կդառնան АСТ հրատարակչության փետրվարյան նորույթները, հաղորդում է «ՌԻԱ Նովոստին»։

Հրատարակչության մամուլի ծառայության տեղեկատվության համաձայն` փետրվարին լույս է տեսնում Մաքս Ֆրայի «Քամիներ, հրեշտակներ և մարդիկ» խորագրով նոր գիրքը։ Այն կարճ արձակի ժողովածու է։ Մոսկվայում գիրքը կներկայացնի հենց հեղինակը։

Ռուսերեն առաջին անգամ հրապարակվել է նաև Հիսուս Քրիստոսի կենսագրությունը, որը բեստսելեր է դարձել Amazon.com–ում։ Գրքի` «Ասլան» անունով հեղինակը քրիստոնյա չէ,

այնուամենայնիվ Վատիկանը երաշխավորում է  ընթերցել այն։ Գրքում նկարագրվում է Հիսուսի կյանքը` կենսագրական տեսակետից։ Բացի այդ, ներկայացված են հետաքրքիր փաստեր Հռոմեական կայսրության և Հուդայականության պատմությունից, նկարագրված է առաջին հազարամյակի սկզբի մարդկանց կենցաղը։

Նարինե Աբգարյանի «Մարդիկ, ովքեր միշտ ինձ հետ են» ընտանեկան սագան մեկ ընտանիքի մի քանի սերունդների պատմությունն է։ Աբգարյանը հայտնի է դարձել 2010 թ.–ին «Մանյունյա» ինքնակենսագրական գրքի լույս տեսնելուց հետո։ Այս գրքով գրողը ներառվել է 2011 թ.–ին «Մեծ Գիրք» մրցանակի հավակնորդների լոնգ–լիստում։ «Սեմյոն Անդրևիչ. Ժամանակագրություն խզբզոցներով» գրքի համար 2013 թ.–ին Աբգարյանն արժանացել է «BABY-НОС» (Նոր ռուսական բանահյուսություն) մրցանակի, որը հիմնադրվել է Միխայիլ Պրոխորովի հիմնադրամի կողմից։–0–