ԵՐԵՎԱՆ, 13 հունվարի. /Նովոստի–Արմենիա/. Ռեժիսոր Սթիվ Մաքուինի «Ստրկության 12 տարի» ֆիլմը ճանաչվել է նախորդ տարվա լավագույն ֆիլմը Հոլիվուդի օտարերկրյա մամուլի ասոցիացիայի (HFPA) կարծիքով, լավագույն ռեժիսուրայի համար մրցանակին արժանացել է «Գրավիտացիա» ֆիլմի ստեղծող, մեքսիկացի ռեժիսոր ԱլֆոնսոԿուարոնը, գրում է «ՌԻԱ Նովոստին»։
«Լավագույն դրամատիկ դերասանուհի» անվանակարգում հաղթել է Քեյթ Բլանշետը Վուդի Ալենի «Ժասմին» ֆիլմում դերակատարության համար։ Լավագույն դերասան է ճանաչվել Մեթյու Մաքքոնահին «Գնորդների դալասյան ակումբ» ֆիլմում ՁԻԱՀ–ով հիվանդ Ռոն Վուդրուֆի դերի համար։
«Երկրորդ պլանի լավագույն դերասանուհի» անվանակարգում հաղթել է 23–ամյա Ջենիֆեր Լոուրենսը «Խարդախություն ամերիկյան ոճով» քրեական տրագիկոմեդիայում գլխավոր հերոսի կնոջ դերի համար։ «Խարդախության ամերիկյան ոճով» ֆիլմը ճանաչվել է տարվա լավագույն կատակերգություն։ Երկրորդ պլանի տղամարդու լավագույն դերի համար մրցանակին արժանացել է Ջարեդ Լետոն, ով խաղացել է «Գնորդների դալասյան ակումբ» ֆիլմում ՄԻԱՎ–ով տառապող տրանսեքսուալի դերը։
Ըստ Հոլիդուդի լրագրողների` Տարվա լավագույն օտարերկրյա ֆիլմ է ճանաչվել «Հզոր գեղեցկություն» իտալական ֆիլմը։
«Ոսկե գլոբուս» մրցանակը հանձնվում է 1942 թ.–ից կինոֆիլմերի և հեռուստատեսային նախագծերի համար, որոնց նշել են Հոլիվուդում հավատարմագրված օտարերկրյա լրագրողները։ Մրցանակի հիմնադիրն է Հոլիվուդում գործող Օտարերկրյա մամուլի ասոցիացիան։ Բևերլի Հիլսում կազմակերպվող 71–րդ հեղինակավոր մրցանակաբաշխության հաղորդավարները երկրորդ տարին անընդմեջ հայտնի կատակերգու դերասանուհիներ Թինա Ֆեյն ու Էմի Փոլերն է։–0–
