Հոլի Բերին, Բիլի Քրիսթլը, Թոմ Հենքսն ու Ջենիֆեր Լոպեսը կվարեն «Օսկարի» մրցանակաբաշխությունը

Փետրվարի 26-ին կայանալիք «Օսկարի» մրցանաբաշխության հաղորդավարներից մեկը կլինի Հոլի Բերին (Halle Berry), ուրբաթ հաղորդում է The Hollywood Reporter-ը՝ հղում անելով արարողության պրոդյուսերներ Բրայան Գրեյզերին (Brian Grazer) և Դոն Միշերին (Don Mischer):

Բերին Օսկարի է արժանացել 2001 թ.-ին «Հրեշների պարահանդեսը» (Monster's Ball) ֆիլմի համար, հաղորդում է «ՌԻԱ Նովոստին»:

Ավելի վաղ հաղորդվում էր, որ արարողությունը կվարեն նաև դերասաններ Թոմ Հենքսը (Tom Hanks) և Թոմ Քրուզը (Tom Cruise), երգչուհի Ջենիֆեր Լոպեսը (Jennifer Lopez) և կոմիկ Բիլի Քրիսթլը (Billy Crystal):

Սկզբում նախատեսվում էր, որ Օսկարի արարողությունը կվարի Էդի Մերֆին (Eddie Murphy), սակայն պրոդյուսերների փոփոխությունից հետո նա հրաժարվել է մասնակցել արարողությանը:

Բացի այդ, բեմ կբարձրանան «Աղջիկների երեկույթը Վեգասում» (Bridesmaids) ֆիլմի դերասանները՝ Քրիսթն Ուիգը (Kristen Wiig), Մայա Ռուդոլֆը (Maya Rudolph), Մելիսա ՄքՔարթին (Melissa McCarthy), Ուենդի ՄքԼենդոն-Քովին (Wendi McLendon-Covey), Էլլի Քեմփերը (Ellie Kemper) և Ռոուզ Բըրնը (Rose Byrne), ինչպես նաև թերիեր ցեղատեսակի շունը՝ Ուիգին (Uggie), ով «Արտիստը» (The Artist) ֆիլմի աստղն է, որն առաջադրվել է Օսկարին տասն անվանակարգերում: Ուիգիի համար, ում կինեմատոգրաֆիական կարիերան, ըստ նրա մարզչի, ավարտին է մոտենում, նախատեսված է հատուկ կինոմրցանակ՝ շների համար:-0-