ԵՐԵՎԱՆ, 17 հունվարի. /Նովոստի-Արմենիա/. «Ինտերֆիլմ» ուկրաինական կինոստուդիան տեղեկացնում է, որ անցյալ տարի արտադրության մեջ մտցված «Փարաջանով» գեղարվեստական ֆիլմի ստեղծմանը միացել է «Arte France Cinema» ֆրանսիական հեռուստաալիքը, հաղորդում է Analitika.at.ua –ը:
«Նախկինում ականավոր նկարիչ, տոտալիտար երկրի ազատ մարդու կյանքին նվիրված դրամային աջակցություն էր ցուցաբերել Ուկրաինայի կինոյի հարցերի պետական գործակալությունը և հայ, վրացի ու նորվեգացի պրոդյուսերները»,- տեղեկացնում է պարբերականը:
Ֆիլմի ռեժիսորներն են Ելենա Ֆետիսովան (նաև սցենարի հեղինակ) և Սերժ Ավեդիկյանը (ֆրանսհայ ռեժիսոր, «Շան պատմություններ» ֆիլմի համար 2010թ.-ին Կաննի կինոփառատոնի «Ոսկե արմավենի» մրցանակակիր):
Նկարահանումները տեղի կունենան Ուկրաինայում, Ֆրանսիայում, Վրաստանում և Հայաստանում:
Այսօրվա դրությամբ «Ինտերֆիլմ» ստուդիան մի քանի գեղարվեստական և վավերագրական ֆիլմեր է նկարահանել, դրանց մեծ մասի ռեժիսորն է Ելենա Ֆետիսովան: -0-
