Անջելինա Ջոլին պատրաստվում է նկարահանվել Լյուկ Բեսոնի հեղինակած ֆիլմում

Անջելինա Ջոլին (Angelina Jolie) պատրաստվում է նկարահանվել «Լեոն», «Նրան Նիկիտա էին անվանում» և «Հինգերորդ տարրը» ֆիլմերի ռեժիսոր Լյուկ Բեսոնի (Luc Besson) հեղինակած ֆիլմում, չորեքշաբթի հաղորդում է  Deadline.com կինոբլոգը:

Ֆիլմը դեռևս անվանում չունի, միայն հայտնի է, որ դա հոգեբանական թրիլեր է, որը հիմնված է գիտական ստույգ ուսումնասիրությունների վրա, հաղորդում է ՌԻԱ Նովոստին:
Ամենայն հավանականությամբ հենց Բեսոնի հետ աշխատանքը կդառնա Ջոլիի հերթական դերասանական նախագիծը, նա Բեսոնի հեղինակած ֆիլմում կնկարահանվի ավելի շուտ, քան Ռիդլի Սկոթի (Ridley Scott) արկածային ֆիլմում, որը պատմում է ճանապարհորդ, գրող, լուսանկարիչ, հնագետ և քաղաքական գործիչ Գերթրուդա Բելլի մասին:

Ջոլին հետագայում նախատեսում է նկարահանվել պաթոլոգոանատոմ Քեյ Սթարփեթայի մասին պատմող Պատրիցիա Քորնուելի դետեկտիվների էկրանավորումներում, «Քնած գեղեցկուհու» թեմայով դիսնեյյան տարբերակում և եգիպտացի թագուհի Կլեոպատրայի մասին պատմող Դևիդ Ֆինչերի ֆիլմում: Ի տարբերություն իր կյանքի ընկեր Բրետ Փիթի՝ Ջոլին չի պատրաստվում ավարտել դերասանական կարիերան, չնայած այս տարի նա առաջին անգամ հանդես եկավ որպես ռեժիսոր, «Արյան և մեղրի երկրում» (In the Land of Blood and Honey) նրա ֆիլմը դուրս է գալիս վարձույթ դեկտեմբերի 23-ին, իսկ ֆիլմի նախապրեմիերային ցուցադրությունը տեղի է ունեցել երեքշաբթի Նյու Յորքում: -0-