Երիտասարդ ռեժիսորների վեցերորդ հանրապետական փառատոնը բացառիկ դարձավ երիտասարդ թատերական տաղանդների ներուժի բացահայտման տեսանկյունից, ուրբաթ ասաց Հայաստանի թատերական գործիչների միության քարտուղար Սոնա Մելոյանը:
Երևանում նոյեմբերի 23-30-ն անցկացված փառատոնում ներկայացվեցին հայ երիտասարդ բեմադրիչների ութ ներկայացումներ: Յուրաքանչյուր ներկայացումից հետո քննարկումներ անցկացվեցին թատերագետների մասնակցությամբ:
«Մենք ամեն տարի հետաքրքիր ներկայացումներ ենք ցույց տվել, բայց դրանք ավելի շատ նման էին կոնկրետ ռեժիսորի շնորհալիությունը վկայող ճեղքումների: Իսկ այս տարի ամենատարբեր ժանրերում բեմադրված բոլոր ութ ներկայացումները միավորվեցին մեկ ընդհանուր գծով՝ բարձր պրոֆեսիոնալ մակարդակով»,- ասաց Մելոյանը մամուլի ասուլիսի ժամանակ:
Նա ընդգծեց, որ փառատոնը պարզ ցույց տվեց այն փաստը, որ երիտասարդ հայ թատերային գործիչներն արդեն ժամանակ չեն կորցնում փորձելու վրա, այլ անմիջապես մասնագիտական գործունեության են անցնում: Սա, Մելոյանի կարծիքով, վկայում է, որ շուտով հանրապետության թատերական ասպարեզում կմնան միայն ուժեղագույն թատերագետները, ովքեր դուրս կմղեն ավելի թույլերին:
Մելոյանը նշեց նաև Գյումրիի և Վանաձորի երիտասարդ ռեժիսորների ներկայացումների բարձր պրոֆեսիոնալիզմը, որոնցում «գավառական» ոչինչ չկար:
Նա միաժամանակ կարևորեց բեմադրությունների բաց քննարկումները նաև սովորական հանդիսատեսների համար, ովքեր կցանկանային հասկանալ և մինչև վերջ ընկալել ներկայացումների իմաստը:
Մելոյանը նշեց նաև, որ փառատոնում ներկայացված բոլոր ութ ներկայացումներն այնքան լավն էին, որ բեմադրիչներից յուրաքանչյուրն արժանի է մասնակցել թատերական ռեժիսորների Մոսկվայի ամենամյա ամառային դպրոցին:
Նա ընդգծեց, որ Թատերական գործիչների միությունը պատրաստ է օժանդակել այդ հարցում ամառային դպրոցին մասնակցել ցանկացողներին:
Թատերագետ, Միության քարտուղար Լևոն Մութաֆյանն իր հերթին նշեց, որ փառատոնը բացառիկ է իր տեսակի մեջ և պրոֆեսիոնալ ընկալման ձևավորման տեսանկյունից:
Ըստ նրա՝ եթե ավելի վաղ բազմաթիվ ներկայացումներ գնահատվում էին բեմադրման տեսանկյունից, ապա այս անգամ բոլոր ներկայացումները բուռն ու արդյունավետ քննարկումներ են ունեցել, և այն մտահոգությունը, թե երիտասարդ ռեժիսորները չեն զարգանում, չարդարացան:
Երիտասարդ ռեժիսորների հանրապետական փառատոնը Հայաստանում առաջին անգամ անցկացվել է 2006 թվականին՝ հանրապետության թատերական գործիչների միության ղեկավար Հակոբ Ղազանչյանի նախաձեռնությամբ: -0-
