Հայաստանում Արգենտինական Կինոյի Փառատոն կանցկացվի

Հայաստանում Արգենտինայի Դեսպանությունը  տեղեկացնում է, որ Հայաստանում Արգենտինական Կինոյի Փառատոն է կազմակերպվում:

Ինչպես նշված է դեսպանատան տրամադրած հաղորդագրության մեջ, փառատոնը կանցկացվի դեկտեմբերի 9,   10,   11-ին «Մոսկվայի   Տուն»   Մոսկովյան Մշակութագործարարական Կենտրոնում:     

Փառատոնի շրջանակներում կիրականացվի   արգենտինացի ռեժիսոր   Խուան   Խոսե Կամպանելյայի  «Նրա   աչքերի գաղտնիքը»`   2009թ.   լավագույն օտարալեզու   օսկարակիր   ֆիլմի անդրանիկ ցուցադրությունը:  

Ֆիլմերը ցուցադրվելու են բնօրինակ լեզվով, անգլերեն տիտրերով:    Փառատոնի ամբողջական ծրագրում ներառված են «Նրա աչքերի գաղտնիքը» (2009), «Ո՞վ է ասում, որ հեշտ է» (2007), «Վալենտինի երազանքը» (2002), «Խաղաքարերը նետված են», «Հարսնացուի որդին» (2001) ֆիլմերը:

Ինչպես նշում են դեսպանատնից, մուտքն ազատ է և անվճար, տեղերը` սահմանափակ:--0-