Վիզուալ արվեստի լավագույն գրախոսության առաջին հանրապետական մրցույթը կանցկացվի Հայաստանում 2012-2013 թվականներին, ասաց Հայաստանի մշակույթի նախարարության Ժամանակակից արվեստի վարչության պետ Սոնա Հարությունյանը:
Ըստ նրա, մրցույթն ուղղված է Հայաստանում գրաքննադատական մտքի վերածնմանը:
Հայաստանի մշակույթի նախարարության և Արվեստի քննադատների ազգային ասոցիացիայի կողմից կազմակերպված մրցույթի մեկնարկը կլինի 2012 թվականի հունվարին, ինչից հետո ժյուրին գրախոսություններ կընդունի բոլոր ցանկացողներից: Իսկ արդյունքները կամփոփվեն 2013 թվականի գարնանը:
«Նախագծի նպատակն է բացահայտել Հայաստանում գործող արվեստագետներին և պատասխանել այն հարցին՝ գոյություն ունեն, արդյո՞ք, Հայաստանում արվեստագետներ, ովքեր կարող են ոչ թե պարզապես նյութ գրել՝ ցուցահանդեսի նկարագրությամբ, այլ վերլուծական հոդված՝ անցկացվող ցուցահանդեսների մասին»,- հինգշաբթի «Նովոստի» միջազգային մամուլի կենտրոնում նշեց Հարությունյանը:
Ըստ նրա, նախագծի անհրաժեշտությունն արդեն վաղուց է հասունացել, բայց նախապատարսատական աշխատանքների համար բավականին երկար ժամանակ է պահանջվել:
Հարությունյանն ընդգծեց, որ մրցույթի արդյունքների հիման վրա Նախարարությունը համապատասխան մոնիտորինգ կանցկացնի, որը կօգնի որոշել՝ կա՞ արդյոք Հայաստանում քննադատական մտքի զարգացման համապատասխան ներուժ և այն որքանով է կարելի կիրառել:
Մրցութային հանձնաժողովի նախագահ Հրաչ Բայադյանն իր հերթին նշեց, որ Ասոցիացիան ձգտում է արվեստի բնագավառում արվեստի՝ մինչև 35 տարեկան երիտասարդ քննադատների հայտնաբերել: «Մենք նույնիսկ պատկերացում չունենք այն մասին, թե ինչպիսի ներուժ ունի Հայաստանն այդ ոլորտում, կան, արդյո՞ք, այդպիսի մարդիկ այս ոլորտում և ինչ կարող են նրանք անել»,- ընդգծեց նա:
Խոսելով մրցույթի պայմանների մասին՝ ծրագրի համակարգող Լիլիթ Սարգսյանը հայտնեց, որ գրախոսությունը կարող է գրվել ցանկացած ցուցահանդեսի կամ վիզուալ արվեստի նմուշի՝ գեղանկարչության, գրաֆիկայի, քանդակագործության շուրջ:
Նրա խոսքով, ժյուրիի ուշադրության կենտրոնում կլինի ոչ թե ինքն օբյեկտը, այլ մեթոդները, քննադատական մոտեցումը և գրախոսության լեզուն:
Սարգսյանը հայտնեց նաև, որ հաղթողների համար սահմանվել են երեք մրցանակներ՝ գլխավոր մրցանակ 200 հազար դրամի չափով (ավելի քան 520 դոլար), երկրորդ և երրորդ մրցանակը՝ 100 հազար դրամի չափով (ավելի քան 520), ընդ որում՝ մրցանակներից մեկը կստանա այդ ոլորտում կավագույն հոդվածը հրապարակած լրատվամիջոցը:
Նա հավելեց, որ մրցույթին մասնակցելու համար, բացի գրախոսությունից, անհրաժեշտ է [email protected] էլեկտրոնային հասցեով ուղարկել հեղինակի ռեզյումեն, համառոտ ինքնակենսագրությունը և անձնագրի պատճենը: -0-
