Եվրոպական MTV-ի վարկածով 2011 թ.-ի լավագույն կատարող է ճանաչվել Ջասթին Բիբերը

Եվրոպական MTV (EMA)-ի վարկածով 2011 թ.-ի լավագույն կատարող է ճանաչվել կանադացի երգիչ Ջասթին Բիբերը: MTV-ի մրցանակաբաշխությունն անցկացվել է կիրակի լույս երկուշաբթի գիշերը Բելֆաստում, հաղորդում է «ՌԻԱ Նովոստին»:

17-ամյա երգիչը երկրորդ անգամ անընդմեջ հաղթող է ճանաչվում «Լավագույն կատարող» անվանակարգում:

MTV (European Music Awards, EMA)-ի եվրոպական մրցանակաբաշխությունը, որը հաղթողներին որոշում է եվրոպական MTV-ի հանդիսատեսի քվեարկության միջոցով, այս տարի անցկացվում էր 18-րդ անգամ: Մրցանակաբաշխությունը ընդունող քաղաքներն ամեն տարի փոխվում են:

Բիբերը, ով այս տարվա օգոստոսին արժանացել է ամերիկյան MTV երաժշտական հեռուստաալիքի Video Music Awards մրցանակին «Տարվա լավագույն տղամարդու տեսանյութ» անվանակարգում, դպրոցական տարիքի աղջիկների սիրելին է, չնայած նրան, որ AskMen.com ինտերնետ հրատարակության վարկածով նա զբաղեցրել է առաջին տեղը ամենաձանձրալի մեդիա-անձերի վարկանիշում, որոնց մասին կցանկանար մոռանալ հարցվածների 47 տոկոսը:-0-