Աշխարհահռչակ ջութակահար Ցուկերմանը մտադիր է հանդես գալ հայ թավջութակահար Նարեկ Հախնազարյանի հետ

Աշխարհահռչակ ջութակահար Պինկաս Ցուկերմանը հրավիրել է հայ թավջութակահար, Չայկովսկու անվան միջազգային երաժշտական մրցանակի թափնեկիր Նարեկ Հախնազարյանին ելույթ ունենալ իր հետ Կանադայում:

«Ես ճանաչում եմ մի թավջութակահարի, Չայկովսկու անվան միջազգային երաժշտական մրցանակի թափնեկրի (Նարեկ Հախնազարյան): Նա ֆանտաստիկ երաժիշտ է: Ես արդեն հրավիրել եմ նրան համատեղ ելույթի Կանադայում»,- չորեքշաբթի լրագրողներին հայտնեց Ցուկերմանը:
Նա բարձր գնահատեց երիտասարդ սերնդի երաժիշտների տաղանդը՝ ավելացնելով, որ ծանոթ է 25-35 տարեկան 10-12 երիտասարդ ջութակահարի, ովքեր շատ տաղանդավոր և աշխատունակ են, կարող են շարունակել ավագ սերնդի երաժշտական ավանդույթները:

Ցուկերմանի համերգը Հայաստանի պետական ֆիլհարմոնիկ նվագախմբի հետ կանցկացվի չորեքշաբթի Երևանում «Երևանյան հեռանկարներ» փառատոնի շրջանակներում:

«Երևանյան հեռանկարներ» երաժշտական փառատոնն անցկացվել է Հայաստանում 11 տարի շարունակ «21-ի հեռանկարներ» անվանումով, սակայն նախորդ տարի վերանվանվել է «Երևանյան հեռանկարներ»: Միջոցառման շրջանակներում Հայաստանում ելույթ են ունենում համաշխարհային մակարդակի ականավոր երաժիշտներ և կատարողներ:

2010 թվականին փառատոնը բացվել է Ցուկերմանի ելույթով, իսկ փակել է այն մեծ տենոր Պլասիդո Դոմինգոն: -0-