Բուդապեշտում հայագիտական գիտաժողով կանցկացվի

Հոկտեմբերի 6-8-ը Բուդապեշտի Կենտրոնական-Եվրոպական համալսարանում հայագիտական գիտաժողով կանցկացվի, հաղորդում է Ռուսաստանի հայերի «Երկրամաս» թերթի տեղեկատվական կենտրոնը:

Որպես կազմակերպիչ հանդես է եկել Հայկական հետազոտությունների միջազգային ասոցիացիան (L’A.I.E.A), որը ստեղծվել է երեսուն տարի առաջ և հայագիտական 12 գիտաժողով է անցկացրել: Ասոցիացիայի կենտրոնակայանը գտնվում է Շվեցարիայում:

Ներկա գիտաժողովների նստաշրջաններից մեկը կնվիրվի ականավոր հունգարահայ գիտնական, արդեն հանգուցյալ պրոֆեսոր Էդմոնդ Շյուտցին և կվերանայի Արևելյան Եվրոպայի երկրներում և Կովկասում հայկական հետազոտությունների ընթացիկ իրավիճակի հարցերը:

Հայկական հետազոտությունների միջազգային ասոցիացիան Association Internationale Des Études Arméniennes) գիտական կազմակերպություն է, որը զբաղվում է հայկական հետազոտությունների հարցերով, Արևելքի և Ասիայի միջազգային միության (UIEOA) անդամ է:

Ասոցիացիայի լիիրավ անդամներն են աշխարհի տարբեր երկրներից՝ հիմնականում եվրոպական, ինչպես նաև Հայաստանի, Մերձավոր Արևելքի, Հյուսիսային և Հարավային Ամերիկայի հայտնի հայագետները: Այդ տարի Բուդապեշտի 12-րդ գիտաժողովի աշխատանքին առաջին անգամ կմասնակցեն Ուկրաինայի հայագետները: -0-