Երևանում առաջին անգամ ֆլորիստիկայի և ֆիտոկոլաժների ցուցահանդես կանցկացվի

Հայաստանի նկարիչների միությունում երեքշաբթի առաջին անգամ  ֆլորիստիկայի և ֆիտոկոլաժների ցուցահանդես կանցկացվի՝ «Վերափոխում» խորագրով, հաղորդում է Հայաստանում Ռոսսոտրուդնիչեստվոյի ներկայացուցչության մամուլի ծառայությունը։

Հայաստանում աննախադեպ նախագծի կազմակերպիչներն են «Ֆլորիսիմա» Միջազգային ստեղծագործական ասոցիացիան, Հայաստանի նկարիչների միությունը, Հայաստանում Ռոսսոտրուդնիչեստվոյի ներկայացուցչությունը։

Դեկորատիվ-կիրառական արվեստի այս նոր ուղղությունը՝ ֆլորիստիկան, զարգացել է Գերմանիայում 1986 թվականին և արտահայտվում է ծաղկեփնջերի, կոմպոզիցիաների, պանոների, կոլաժների ստեղծմամբ՝ բնական զանազան նյութերից՝ ծաղիկներից, տերևներից, խոտից, հատապտուղներից ու պտուղներից։

Ցուցադրությունն ընդգրկում է 60 հեղինակային աշխատանք Մոսկվայից, Վլադիմիրից, Յարոսլավլից, Հարավային Սախալինսկից, ռուսական այլ քաղաքներից, ինչպես նաև Մինսկից։ Իրենց կոմպոզիցիաները կներկայացնեն հատուկ Մոսկվայից ժամանած «Ֆլորիսիմայի» վարպետները՝ Օլգա Գոնորևան, Գալինա Նեխորոշևան, Լիդիա Լյապինկովան, Ալբինա Ուստյուժանինովան, Իկատերինա Ֆյոդորովան գեղեցկության մագիստրոս Իննա Մակեևայի գլխավորությամբ։

Հայաստանի մասնակիցներն են ֆլորիստ դիզայներ, «Ֆլորիսիմա» ծաղկային արվեստի դպրոցի դասախոս Վարսենիկ Զարգարյանը և Ռուսաստանի ու Հայաստանի նկարիչների միության անդամ, նկարիչ Նելլի Դանիելյանը։

Ցուցահանդեսի ընթացքում վարպետության դասեր կանցկացվեն։
Ցուցահանդեսը կշարունակվի մինչև օգոստոսի 25-ը։ -0-