Հայաստանի բոլոր եկեղեցիները վերականգնվում են միայն Սբ. Էջմիածնի համաձայնությամբ. տեղեկատվական համակարգի ղեկավար

Հայաստանի բոլոր եկեղեցիները վերականգնվում են միայն Սբ. Էջմիածնի համաձայնությամբ, ուրբաթ լրագրողներին հայտնեց Մայր Աթոռ Սուրբ Էջմիածնի տեղեկատվական համակարգի ղեկավար, քահանա Վահրամ Մելիքյանը։

«Մենք չեն կարող ինչ-որ մի մեկենասի փաթաթել մեր առաջնահերթություններն ու նախընտրությունները։ Սակայն բոլոր նախագծերը մինչև իրենց կյանքի կոչվելը պետք է հաստատվեն Մայր Աթոռ Սուրբ Էջմիածնին առընթեր ճարտարապետական խորհրդի կողմից»,- ասաց Մելիքյանը։

Հայկական ճարտարապետության ուսումնասիրման հասարակական կազմակերպության ղեկավար Սամվել Կարապետյանն իր հերթին նշեց, որ եկեղեցիներն ու այլ պատմամշակութային հուշարձանները չեն վերականգնվում, այլ ավելի շուտ արդիականացվում են։

«Կարևոր է ոչ այդքան վերականգնման փաստը, այլ այն, թե ինչպես է կատարվում այդ վերականգնումը»,- ասաց Կարապետյանը։

Վերջերս հայկական ծագում ունեցող ռուս ձեռնարկատեր Լևոն Հայրապետյանը նախաձեռնեց Գանձասար վանքը շրջապատող պատերի վերականգնումը։ Ցանկապատի երեսպատումն իրականացվել է նույն քարհանքում ձեռք բերված նյութերի օգտագործմամբ, որտեղից XIII դարում քարեր էին տանում վանքի կառուցման համար։

Վերականգնման ուղղությամբ աշխատանքներ նախաձեռնողները հայտնել են, որ աշխատանքներն իրականացվում են քանդվող պատերի ամրապնդման նպատակով, որոնք կառուցվել են 20-րդ դարի 80-ական թվականներին և չեն խախտում ճարտարապետական համալիրը։ Աշխատանքներ անցկացնելու համաձայնությունը տվել է Հայ Առաքելական Եկեղեցու Արցախյան Թեմի ղեկավար,  Պարգև արքեպիսկոպոս Մարտիրոսյանը։

Սակայն հաշվի առնելով բազմաթիվ փորձագիտական կարծիքները՝ Ղարաբաղի կառավարությանն առընթեր Զբոսաշրջության վարչությունը դադարեցրել է ցանկապատի երեսպատման աշխատանքները և հայտնել, որ հետագա գործողությունները կորոշվեն հեղինակավոր մասնագետների եզրակացության հիման վրա։ -0-