Հայաստանն ու Մեքսիկան մտադիր են շրջանակային համաձայնագիր ստորագրել մշակույթի և կրթության ոլորտներում 2011-2014 թթ.-ի համագործակցության մասին, ասաց ՀՀ մշակույթի փոխնախարար Արև Սամուելյանը:
«Սա կլինի մեր երկրների միջև մշակույթի և կրթության ոլորտներում համագործակցության մասին առաջին շրջանակային համաձայնագիրը, և այս պահին այն քննարկման փուլում է», - հինգշաբթի մամուլի ասուլիսի ժամանակ ասաց Սամուելյանը:
Այս ամենի կապակցությամբ ՀՀ-ում Մեքսիկայի արտակարգ և լիազոր դեսպան Ալֆրեդ Պերես Բրավոն նշեց երկու երկրների միջև մշակույթի և զբոսաշրջության ոլորտներում փոխգործակցության անհրաժեշտությունը:
Նրա խոսքով՝ հայերն ու մեքսիկացիները, լինելով հնագույն ժողովուրդներ, մեծ նմանություն ունեն և կարող են հարստացնել միմյանց:
Դեսպանն ավելացրեց, որ Մեքսիկայում ուրախ կլինեն մշակույթի հայ գործիչների այցելությունների կապակցությամբ:
Հայ-մեքսիկական համաձայնագրի շրջանակներում նախատեսվում է համագործակցություն հաստատել թանգարանների, գրադարանների միջև, կազմակերպել մասնագետների փոխանակում:-0-
